والله انا باذن الله الخامس لان زوجتي حبيبتي تملأ حياتي كلها وهي كل ما عندي . دعواتكم لجميع المسلمين
ان يستر الله بيوتنا ورجالنا ونسائنا ويعمر بيوتنا يطاعته ويجمع بيننا برحمته.

اللة يسعدكم دنيا واخرة ياااااااااااارب وتسلم علي مرورك اللي يشرفنى

تبغي الصراحة الموضوع محير بس هذا يرجع لإختلاف طبيعة الرجل عن طبيعة المرأة كمان أظن للهرمونات دخل فالموضوع حسب علمي لكن للأمانة راح أقوللك على الطرق اللي أستخدمتها وبدون ماأخبي وأظن إني بديت أأثر فيها شوي شوي المهم أبدأ فالموضوع:
أولاً: ياست الحبايب تذكرت زمان إني أنا ماكنت آكل القشطة وبدون أي سبب فقلت ياواد ماله داعي القشطة مالها ذنب تقاطعها وتقسى عليها بالطريقة هدي فجربت القشطة" ومن يومها وانا كل ليلة قدامي القشطة"
فعاد حبيت القشطة وتعلقت فيها بس بعد عناء طويل في أول تجربة عرفتي عاد إنه بعض الأحيان نحكم على الأشياء بدون مانعرف إش فداخلها من أسرار
ثانياً: بدأت أثقفها عن طريق التمثيليات يعني أمثل عليها إني مره تعبان ووجعان بعدين عرفت إنها تموت فيه بس ماهي من النوع اللي يعرف يعبر وكتيرمن الناس كدا ,ومن التمثيليات إني أشتريت رقم جوال تاني هيه ماتعرفه وقعدت أراسل نفسي وأخليها تشوف الرسايل كلها وكأني مو أنا اللي مرسل وأكتب فيها اللي أبغاه مره على شكل إنها شكوى من أحد الزملاء من زوجته وأنا يعني إني أعطيه نصايح وكدا
ومن التمثيليات بعد اللي كنت أسويها إني أصطنع وهدي خاصة إذا كنا فالسيارة ودق عليه صاحبي بعد مايقفل أستمر أنا أقول الكلام اللي أنا أبغاه يعني أكلم نفسي على شكل نصايح له وكدا أكتشفت إنه في أشياء كتير فقلبها وقامت تخرجها والسبب أحيانا إن الزوج يخبي أو الزوجه هوه إنه كل واحد فيهم قاعد يخبي خايف لا يظن الطرف التاني إنه صاحبه له ماضي وتجارب مع الغير فيقوم يسكت,,,,خايف أطول عليكم بس يالله إستحملوني
كمان طريقة حلوة كنت أراسلها عن طريق الإيميل بإسم مستعار غير اللي تعرفه هيه وكنت أقرأ ردودها وأطمن شوية لأنها كانت في قمة الروعة لكن تبغي الصراحة عاد إنه كل هدي الوسائل كانت نتايجها سرية يعني مازالت تخبي لأنها طرق سرية يعني مافيها مصارحة فاهمة علية.
أما الطرق اللي كنت أصارح فيها فهي كالتالي
أشترينا سبورة من جرير اللي تتعلق فيها الأوراق بالمغناطيس المهم سوينا نظام إنه أي واحد فينا أنا ولا هيه ولا واحد من الأولاد يبغا يصارح الثاني بشي يعلق على السبوره اللي يبغاه من أبيات شعر أو دعوة لعشا للشخص الآخر على حسابه الشخصي أو زي كدا...
فيه طريقة أقتنعت فيها بعد مجهود لأنه تعتبر زي القشطة اللي قلتلك عليها فالبداية وللأسف هي المفروض فالبداية لكن مجتمعنا يرفض هدي الطريقة بشدة وهي طريقة الحوار والثقافة وتبادل الثقافات كيف؟ راح أقوللك بس لا تستعجلي.. ياستي وياسيدي ياللي بتقرا ماتعودنا نهدي بعض كتب ولا مقالات من المجلة او الجريدة أو حتى ترجمة أحد الأفلام الأجنبية أو حتى عبارة أو إتنين من النص وأنصح بالشعر الفرنسي لأنه عميق وأعمق من العربي سامحوني! المهم:لازم نقرا وانا قلتلك من أول المشوار إنه إقتنعت فيها بعد مجهود عارفه ليش لأني كنت أعتبر نفسي إني فاهم كل شي وما يحتاج أقرا شي بس بعدين أكتشفت إنه لاأنا فاهم ولا بطيخومن الكتب اللي أنصح يقروها المتزوجين والخاطبين والمملكين وحتى العزوبيةكتاب الرجال من المريخ والنساء من الزهرة ويقروه للأخير ولو لزم الأمر راح أوزعه مجاناً على كل اللي مايقدر يتحصل عليه عشان ماتقولو ليه نسبة فالمبيعات!!! كمان الواحد لايصير أناني ياخد زوجته ويعزمها على وجبة قراءة فجرير \أو فأي مكتبة فيها كتب ثمينة ويخليلها الأختيار المطلق في إختيار الكتب حتى لو ماهي راضية تفهم ونازلة فكتب الطبخ وهو ماهو راضي يفهم ونازللي فكتب التاريخ مايهم مره واتنين وتلاتة وراح يفهمو عن طريق إهداء الكتاب بين عدة كتب
طيب اللي جرب كل هدي الطرق ومافاد أو حس ان الفايدة قليلة أيش يسوي ؟ راح أقول بس مو اليوم... [/size][/size][/size][/size][/size]

يسلمووو ميوده على الطرح الرائع

وعن نفسي اختار الرجل الرابع

ولو في رجل افضل من كذا ياريت ما عندي مانع