ياحمامه كفي الله لايجزاك خير لشاعر / خالد بن مدعث

[كيفي سعودي]

[align=center]اســتــمـــاع ... حـــفـــظ[/align]

[poem=font="Arabic Transparent,5,#062963,bold,normal" bkcolor="" bkimage="" border="double,4,#572D01" type=2 line=0 align=center use=ex num="0,#400000"]
يا حمامه كفى الله لا يجزاك خير=من صلاة الصبح وانتي تجرين النياح
كان من جور المحبه غدا شرك شرير= والله اني ذايق ٍ قبلك السم الذحاح
وكان لوعاتك من الوقت ومفارق عشير=والله ان قلبي من فراق خله ما استراح
وكان مفجوعه على فقد عش ٍ مستدير=والله اني فاقد شوف نجد ٍ والفياح
من سمعتك يا حمامه وانا ما اقول غير=لى متى هذا الشقى؟؟ واردف الونه صياح
ما عليك خلاف عندك جناحين تطير=مير انا وشلون بانزح وانا ما لي جناح
مالي الا اسوق قلبي مع الغربي عصير=واسهر عيوني لامن شعاع البرق لاح
اتذكر واتوجد على ما فات مير= ما ورا زود التوجاد والذكرى صلاح
قبلنا شالح توجد على أخوه الصغير= راح أخوه وعقب ما راح ذيب الخيل راح
واتوجد وجد من صار شره مستطير = وجد سعدون العواجي على طيور الفلاح
كل ليل وعبرتي تلتقي عقب الأخير= تبتليني دمعة العين لحد الصباح
والبلا لا صاح قلبي ورا الضلع القصير=عوية الذيب المذير مع الحزم البراح
لا بغيت ادله من الهم واسلا واستخير=حدني من حده القوم بزنود السلاح
من بعد نجد العذية وانا ماني بخير= التفت لا اقفيت عنها تلفات الطياح
واتثاقل خطوة الرجل واقدامي تحير=وكن صدري باجداته زواريق الرماح
يوم اجيها مثل ورد الضوامي للغدير= اتعجل بالمجي واتباطا بالمراح
دبرة الله مجري الفلك بالبحر الغزير=جاري حكمه علينا مثل مجرى الرياح
واتعبتني حاجة ٍ وردتني كل بير=ارتوي هماج والناس يروون القراح
واحد ٍ حظه يشيله على شداد البعير=واحد ٍحظه لا شاله تكرسع ثم طاح
من ثلاث سنين وانا اتحرى للبشير=والبشير ابطا وانا سدي من البعد باح
يا بشير الخير عجل عسى دربك سفير= لا تخلي للسهر جفن عيني مستباح
كل يوم اقول بكره يجي منك نذير= وانقضت الايام والحين ما صار اللقاح
ما توَرد جمة البير بسلوك الحرير= ولا اطلق المسجون هرج التعلل والمزاح
ما لقينا بالزمن كود ما يلقى الفقير=طامع ٍ بالمال والمال بيدين شحاح
يدري الله والعرب مادروا باللي يصير= مير نوحي ياحمامه واجاذبك النياح[/poem]

[align=center]لشاعر / خــالــد بن مــدعــث الــدوســـري[/align]

[ريحانه 2009]

شـكــ وبارك الله فيك ـــرا لك ... لك مني أجمل تحية .

[الزوجة الناجحة]

بسم الله الرحمن الرحيم
السلام عليكم ورحمة الله وبركاته
يسلمواااااااااا على المشاركه
الرائعه
شـكــ وبارك الله فيك ـــرا لك ... لك مني أجمل تحية .

[ظبي العين]

واحد ٍ حظه يشيله علـى شـداد البعيـر
واحد ٍحظه لا شاله تكرسـع ثـم طـاح

ما توَرد جمـة البيـر بسلـوك الحريـر
ولا اطلق المسجون هرج التعلل والمزاح

أشكرك إخوي على إختيارك الطيب لهذه القصيدة

الرااااااااااااائعه ،،

واااااااااااااااااااايد أعجبتني ما تتخيل إش كثر !!

شكراااااااااااااا بلاااا حدووووووووووووود

موفق بإذن الله ... لك مني أجمل تحية .