ابن جدلان يبحث عن علاج للاكتئاب

ذيـــــ نجد ـــــب · 10-28-2009, 09:22 AM

ياعلاوي نجـد علـك مراديـم السحـاب

ديرةٍ فيهـا تربيـت يـوم انـي صغيـر

ياطبيب النفس شنهـو عـلاج الاكتئـاب

أعطني وصفة اعلاجه ترى وضعي خطير

عشت في غربة حقايق وفي وضع اغتراب

والتجـارب علمتنـي علـى شـي كثيـر

استفدت من الذيابه ومـن نبـح الكـلاب

واستفدت من الرغا واستفدت من الهديـر

ولاكسبت الا معرفـة عزيزيـن الجنـاب

ولاخسرت الامعرفـة عديميـن الضميـر

اقترب لا مقترب شين بعـض الاقتـراب

ابتعد لا مابتعـد شـي فـي حقـي كبيـر

ياسؤالٍ كـل ماطرحـك ملقالـك جـواب

مالي الا الصبر وأهل الصبر توعد بخيـر

وصف خلان الرخا مثل ضحضاح السراب

يفرح العطشان شوفه يحسب انـه غديـر

والردي لو هو ولد عم لاتحسب له احساب

كم عزيزٍ ذلـه الوقـت بضيافـة حقيـر

والدروس انـواع تطبيـق والا بأنتسـاب

بس أنا اللي طبّق الـدرس قـدام المديـر

الشاعر /سعد بن جدلان الاكلبي

ذيـــــ نجد ـــــب · 10-28-2009, 09:23 AM

اتمنى من اخواني المشرفين ترتيبهااا مدري ليه اطلعت كذااااااا

طيب الفال · 10-28-2009, 09:40 AM

مشكوور
عبدالمحسن
صح لسانك ولسان قائلها
اختيار جميل
ننتظر جديدك وابداعك
يعطيك العافية
تم التعديل بناء على طلبك
دمت بخير

ذيـــــ نجد ـــــب · 10-28-2009, 09:43 AM

ماقصرت اخو الله يعطيك الف عااافيه

ذيـــــ نجد ـــــب · 10-30-2009, 01:47 PM

افاااا مااعجبكم قصيد ابن جدلان ولا وش الساااالفه