زوجي يبي أحد يوقفه عند حده؟؟.........

[11-6-1988]

بالنسبه لاهلك لا تدخلينهم بالموضوع
وممكن لما يعرفون ياخذون موقف منه ويكرهونه
ويظل هذا اكره حتى لو انتهى اللي بينك وبين زوجك
وصعبه عليك وعليه لما يكونون اهك يكرهونه
طبعا هم ما ينلامون لو كرهوه لان انتي بنتهم ويبون لك الخير ولا يرضون احد ياذيك

وترى اهم شي بالحياه الزوجيه الكتمان ع الزين والشين >> "نصايح امي فديتها"
الزين ان قلتيه للناس ممكن يحسدونك لانه موب حاصل لهم هالشي وانا اعرف وحده عندها بنت وحياتها احلى حياه بس في كل دخله وكل طلعه تتكلم عن زوجها وقد ايش يحبها وش يسوي لها والله العظيم انها قعدت فتره تتعالج نفسيا ولما تشافت فتره بسيطه وتطلقت للمره الثالثه يعني خلاص محرمه عليه ولا تقدر ترجع له
وبالنسبه لسوء التفاهم والمشاكل لو تكلمتي عنها ممكن يحرضونك ع زوجك
لين توصل لمحلة لا تحمد عقباها


وفي الاخير ما نملك الا الدعاء
أسأل الله أن يصلح ما بينكم ويهدي زوجك لك
اللهم اصلح لنا ازواجنا واصلحنا لهم اللهم اصلح مابيننا وارزقنا الذريه الصالحه وجنبنا الشيطان
اللهم حببهم فينا وحببنا فيهم وارزقنا الحياه السعيده
اللهم كما جمعتنا في الدنيا الفانيه
اللهم اجمعنا في جنانك العاليه

[فوووشي]

مجرد رااي مااعتقد ان المشكلة تتازم الى اخبار الاهل ؟؟؟؟؟؟؟؟؟؟
لان كل شخص بيعطيك راي وتتازم المشكلة وتكبر كون انك ما تحبي المشاكل ومسالمة ؟؟؟ لماذا نظرتي لزوجك بان تصرفاته شك لما ذا لا تكون غيرة ؟ وزادت عن حدها ؟؟؟؟ الكلمة الحلوة تجيب نتيجة طيب فعلا ليش لا بسه اصفر ؟؟؟؟ اقدر ارد واقول طيب ممكن تشجع نادي النصر على شان كذا لبست اصفر ...... صدقيني المرح با افضل اسلوب الى امتصاص عصبية الزوج والجلسات الهادئة افضل بكثير ؟ الوقت ..... المكان ..... الحالة النفسية ...... افضل بانها تكون بعد وجبة او اثناء تناول حلا وقهوة مثلا ............. ( لا تخلو حياة زوجية من ملح (مشاكل ) ..... ايضا اشبه الحياة الزوجية بالحبل اذا شد ارخي الحبل واذا ارخى شدى بالي من صالحك بالمعقول ؟ لان نسبة الطلاق كثرت انا اقول لو هو غلطان جربي روحي وقولي له افى يا ابو فلانه اهون عليك لي يومين انام مع بنتي وانت نايم عليك انا اتغلى ما ينفع احد يتغلى عليك ...... خلاص عرفت اني مو غالية عندك واسمعي رده والله اي رجل رح تاثر فيه الكلمة الحلوة ؟ وشكرا طولت ؟

[فراشة برونزية]

لو ماهو مهتملك ويعزك ويحبك ماكان
همه انتي و ش لابسة ولا اي لون ولا وين رحتي ولا وين جيتي
اتوقع هو حاس منك الاهمال او عدم الاهتمام فحب يشوف انتي بشنو لاهية عنه

نصيحتي لك أختي العزيزة لاتقولين لأهلك ولا تكبرين السالفة
واهتمي بزوجك اكثر حسسي بحبك اكثر
وشوفي النتائج الباهرة
ولاتنسي توجهي وجهك لرب العباد
وربي يسخرلك زوجك ويهدي امين رب العالمين

[ورد الجو]

مشكورين على ردودكم القيمه
بس احب أوضح ان تصرفاته هذي جديده وفجأه يعني من كم شهر بس يعني هذا ما كان طبعه بالعكس كان حنون ومتفهم بس الحين صار عصبي ومتوتروأنا لي خمس سنوات زواج
وانا مو مقصره باللي أقدر عليه وهو أول واحد يشهد باهتمامي الشديد وحرصي عليه
وكل اللي حولي يشهدون
بس الحين حياتي ماتنطا ق
وأحس اني عايشه بسجن معاه وصبرت لحد ما مل الصبر مني وحاولت أفهم سبب تصرفاته ما قدرت
عشان كذا قررت أبلغ اهلي هم يتفاهمون معاه لانه مو راضي يتجاوب معاي