ثمن حزني ..!

[ورود منثوره]

ثمن حزني ..!

من يدفع ثمن حزني .. وياخذ من عيوني عين !!
وياخذ عمْر من عمري ..
وياخذ كلّ ما ودّه !!
من يعطيني من صبره .. إذا صبري وصل حدّه ؟
ويحضنّيْ بْدفاه سنين
وانا كل يوم بآعدّه ..
جميل ومستحيل انساه ..
دخيل الله .. دخيل ال آآآه
أخافه بس يستنّى أجي له .. وآنا أستنّاه !!
وضاعت منّنا الأحلام ..
و سبعه وعشرين عام !

تعب شالته أكتافي ..
جفافٍ يسكن اطرافي ..
وبسمة ما رسمهاْ الا حزن .. وْيا معظم الخافي
سُباتٍ مَـر ..
وطعم المُـر في ريقي .. ونشف هالرّيق ..
سُباتٍ مـُر ..
وانا أركض وانا أركض مع الزحمة وبين الضيق !!
عجزت آصل ..
عجزت آصدّق التصديق
] ولحْدٍ بـ اختناقي حس [..
لأني في سبات .. وبس !

يـَ بنت الدّيم .. يا وردة سقاها الله
عشان الحب ..
أو آسف .. عشان الله ..!
تحبّيني كثر ما حبّني حزني ..؟؟!
ولجل الحب ابتفاءل أنا والله ..
و بحلم أكثر وأكثر ..
وبمشي مهما أتعثّر ..
واعيش بهالعمر يمكن كثر ما راح ..
ويمكن يوم أو ساعة ..
يكفّيني أعيش بنيّتك فيها !!
ومهما كنت .. ابقضيها
ولو متّ بقهر جنبك ..
بموت بهالقهر مرتاح ..
بموت بهالقهر مرتاح ..
.................. وهذا أضعف الإيمان ..!

للمبدع / عبدالله الملحم
ثمن حزني ..!

[همسة حب]

ما اجمل هذا الشعر

احسنتي الانتقاء
ننتظر جديدك الدئم على احر من الجمر

[البااارونه]

تسلم ايدك
ويعطيك الف عافيه
ماننحرم من جديدك
تحياتي لك

[طيب الفال]

مشكورة
ورد منثور
وصح لسانك ولسان قائلها
احسنت الاختيار والطرح
ننتظر جديدك وابداعك
يعطيك العافية