كوكتيل سكرب و أختاري اللي يعجبك

[احب دبدوبي]

السلام عليكم ورحمة الله وبركاته

كيفكم يا بنات

اليوم جايبة لكم كذا سكرب لتقشير جسمك و ازالة الخلايا الميتة و تستخدمية قبل الاستحمام ومع الاستخدام المتكرر راح تلاحظين البياض والنعومة وكاتبة لكم المقادير والطريقة لكل سكرب عشان ماتضيعون ويلا نبدا بسم الله

الخلطة الاولى

المقادير
قشور برتقال مجففه ومطحونه طحن ناعم..
شوفان كويكر(( اللي نعمل منه الشوربه))
نعناع جاف ..
سدر مطحون ..
الطريقة
تطحن جميعا وتوضع بعلبة جافه وقبل الأستحمام ناخذ منها الكمية اللي تناسبنا ونخلطها بلبن زبادي (روب)وندهنها على الجسم ونخليها ألين تجف بعدين ندعكها بالليفة المغربية نبلل الليفة وندعكها ألين تنظف وتنزل معاها الخلايا الميته بالجسم وبعدين تكملين أستحمامك عادي وتنظفين الجسم تماما بالصابون المغربي والليفة وتخرجين بلمعه ..

الخلطة الثانية

المقادير
وهي موية ورد
ترمس مطحون
الطريقة
تطحنين الترمس وتخلينه بعلبة جافة عندك وعند الأستحمام تخلطينه بموية ورد وتدهنين الجسم وتخلينه ألين ينشف بعدين تعملين له صنفرة بالليفة يعني تدعكينه بالليفة علشان ينظف الجسم معاك

الخلطة الثالثة

المقادير
سدر مطحون +لبن زبادي ((روب))
الطريقة
عند الأستحمام تدهنين بها جسمك كله وتخلينها تقريبا 10 دقايق بعدين تعملن بها تقشير لجسمك يعني تدعكينها بيدك بعدين بالليفة وهذي الوصفة تنفع حتى للوجه روووووووعه

الخلطةة الرابعة

المقادير
2 ملعقة قشور برتقال مجففه ومطحونه
5 ملاعق حنا
4 ملاعق مسمار مطحون ناعم جدا
3 ملاعق سكر
ملعقة صغيرة كركم (حق الجسم مو حق الاكل )
ملعقة سدرمطحون
الطريقة :
تطحن جميع المقادير وتوضع في برطمان جاف وقبل الأستحمام ناخذ منها ونخلطه بزيت لوزمر أنا أستخدمت زيت لوز مر لأنه مفتح للجسم والآثار ويزيل البقع والكلف ممتاز جدا اللي فيه بعكس زيت اللوز الحلوو فقط يغذي وينظف الجسم ..
المهم بعدين تعملين سكرب بهذي الخلطة للجسم تطولين وأنتي تدعكين بها الجسم بحركات دائريه علشان ينظف وممكن تستخدمين الليفة المغربية لأفضل النتايج..
بعدين تغسلين جسمك عنها طبعا لازم وهي عليك تفتحين البخار علشان يساعد بأزالة الخلايا الميته ..
هذي تسوينها مره كل أسبوع وتنفع للعرايس تنظف جسمك من تجربتي معاها تبين نتايجها بالتبيض بعد شهر بالتمام ..

الخلطة الخامسة

المقادير
4 ملاعق قشور برتقال مجففه..
فنجان موية ورد
الطريقة
تكون الخلطة سايله قليل ندهنها على الجسم والوجه وتترك ربع ساعه على الجسم بعدين ناخذ فنجان قهوة زيت اللوز المر ونفرك به الخلطة للي على الجسم يعني نسوي بها سكرب وبعدين تغسلينها هذي فايدتها تنظف وتلمع الجسم مع الأستمرارلمدة شهر تبيضه ..

الخلطة السابعة

المقادير
علبة قشطة
ملعقة خميرة
قهوة تركية ملعقة
الطريقة
تخلط مع بعض وندهنها على الجسم نخليها ألين تجف وتنشف على الجسم بعدين نفرك فيها الجسم مظبوط حتى تنزل معاها الأوساخ ونغسلها ونكمل أستحمامنا ويفضل عدم أستخدام الصابون بعدها للمحافظة على البياض واللمعة اللي أكتسبناها من القشطه وباقي المكونات ونعيما ياحلووووات..

ولاتنسون اللي تستفيد من هذي الطرق تدعيلي دعوة حلووووه بظهر الغيب

[ريحة عطر]

يعطيك العاااااااااافيه

وصفااااات جميله

الف شكر لك مني

[احب دبدوبي]

الله يعافيك

وأشكرك على مرورك

[ورده فواحه]

يعطيك العافيه ع الطرح

[حبيبة مزعل]

مررررررررررررره شكرا على الخلطات