ظـلام الليـل

[زياد السالم]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

ولّع ظـلام الليـل يـا صاحبـي جـود

قبـل النهـار يقـوم و يـبـل ريـقـه

وش حاجتي للناس مـا دمـت موجـود

مالي و مـال الحلـم .. دامـك حقيقـه

خل الكلام الـذرب .. للطفـل و العـود

او للصديـق اللـي يجـامـل صديـقـه

مابينـي و بينـك مسافـات و حــدود

و ما يجتمع .. ثقل و علاقـه وثيقـه!!

حيرتنـي .. مابيـن وقفـات و صـدود

و الأمر لله .. و أنت شف لـي طريقـه

أما نعيـش و بعضنـا لبعـض مشـدود

و الا نعيش و كـل شخـص و طريقـه

و أرجع أنا .. للوقـت و أيامـه السـود

و لحزنـي اللـي يعتبـرنـي رفيـقـه

تنسى .. و لا أنسى و أذكر الحلم و تجود

قريحـة الشـاعـر بـمـا لا يطيـقـه

و يقال كان الحـال مـن زود فـي زود

و الحين صـار الحـال ضيقـه بضيقـه

و أن كان ما يرضيك .. و العمر محـدود

خذنـي معـك بيـن الضلـوع الرقيقـه

صب المشاعـر داخلـي صـب بـارود

حرّك سكون الليل .. و أشعـل حريقـه

خـل الغـرام يـروح و يلـف و يعـود

و أنفض غبـار القلـب يطلـع بريقـه

يفداك كـل القلـب .. عنقـود عنقـود

من فاكهـة صبـره .. لصافـي رحيقـه

كن الرسايـل منـك فـي درجـي ورود

هذي على هـذي و صـارت .. حديقـه

منها يفوح العطـر و الشـوق و العـود

و تمرني الساعه و أنا أقـراء .. دقيقـه

لا تنذهـل .. شاعـرك مافيـه منقـود

كـل الكـلام اللـي يقـولـه حقيـقـه

ولّـع ظـلام الليـل يـا صاحبـه جـود

و أشره عليه أن كان .. ما بـل ريقـه

[/poem]

[الايناس]

يعطيك العافيه على الطرح المميز

[ذيـــــ نجد ـــــب]

يعطيك الف عااااااااااافيه اخوي زياد الساالم مشكور على القصيده الاكثر من راااااائعه وعلى التميز الدااائم

[سيــــدة الغيــــد]

كن الرسايـل منـك فـي درجـي ورود

هذي على هـذي و صـارت .. حديقـه

منها يفوح العطـر و الشـوق و العـود

و تمرني الساعه و أنا أقـراء .. دقيقـه

يسلموووو قصيده حلوووه عجبتني حيـــــل
اشكررررك ,, في الانتظاار

[ورقه شجر]

يسلمووووووووووووو