أعضاء وعضوات "زوجي وزوجتي "....آرآؤكم..... .

[ألماسه]

وعليكم السلام ورحمة الله وبركاته
حياك الله اخوي فيصل ...
وبصراحه أغلب زميلاتي متفوقات على أزواجهن في مستويات الوظيفه
والمراحل التعليميه...منهن اللي ينكد عليها زوجها
ومنهن اللي بالعكس يأيدونك ...وهالنوع من الرجال تحترمهم زوجاتهم و
تتمنى تفرش له الارض ورد ...من كثر ماتحبه وتقدره وماتتمنى يتضايق منها
او انها تقصر عليه بحاجه....
بارك الله فيك...وكلامك عين الصواب

[ألماسه]

أخوي ابو غائب حياك الله
وكلامك سليم...لكن مو كل النساء تتسبب على أزواجها
"يعني " :
الحريم اللي يتسلطون أزواجهم عليهم مو شرط انهم هم اللي يغترون او يشوفون أ نفسهم...,
فيه رجال عقولها صغيره وممكن اي صاحب او صديق قريب منه...."يحاول يستغل الفجوة التعليميه"بين الزوجين
...ويبدأ يلف عقل الزوج...
(وحده من الزميلات كانت تذكر لي ان زوجها معها سمنه على عسل في حياتهم الزوجيه ...ومتفقين على الكبيره والصغيره .....في تفاصيل حياتهم "ومن شروطها عليه في عقد الزواج انها تستكمل الماستر والدكتوراه....
هو طبعا موافق والى ان وصلت سنهونص بعد الزواج ...كانت تتراسل مع""" جامعه عربيه او خليجيه"""" عذرا " أنا ناسيه"حتى تسجل فيها ...المهم ان زوجها عارف وكان يراجع معها ....فجأه غير رايه
وبدا يغير فكرتها ....العذر انه مايبيها تكمل..وش السبب و..طيب ايش اللي غير ؟.....ايش اللي بدل رايك؟؟؟؟
كان يلف ويدور وماله عذر ...اخرتها قال لها اخاف انك تتغيرين ...اواواو.....
من قال لك هالكلام ..؟؟رد عليها واحد من ربعي......)

المهم ان المرأه طالما تحترم وتقدر زوجها وتحترمه ...الواجب يبادلها نفس الاحترام والتقدير ...
سواءا اختلفت الثقافه او الراتب ....عند اي منهم ...
حياتهم لازم تمشي باستقرار وراحه وسعاده....
بار الله فيك ولك مني الف تحيه..

[عبدالعزيز عابد]

السلام عليكم ورحمة الله وبركاته

ممكن اسالك سؤال ؟
ليش ماتكون المشكلة من الزوجة !!!
ممكن الزوجة تنظر الى الرجل بطريقه تحسسه بانها افضل منه ؟
تصدقين فيه زوجات كثير خسروا ازواجهم والسبب التسلط وفرض الراي ؟
انا الاحظ ان في كل موضوع كل شئ ضد الرجل
مره مايحبها افضل منه ومره ما يبيها تشتغل ومره يفكر في راتبها ....
ولا رجل قال ان المراءة
تحب الماده اكثر من اي شئ
تحب التسلط وفرض الراي
منانه اذا فعلت شئ تمن به على الشخص طول عمرها
لا تهتم ولا تقدر ظروف الزوج اهم شئ يسوي الي تبيه

[ألماسه]

المشاركة الأصلية كتبت بواسطة عبدالعزيز عابد

السلام عليكم ورحمة الله وبركاته

ممكن اسالك سؤال ؟
ليش ماتكون المشكلة من الزوجة !!!
ممكن الزوجة تنظر الى الرجل بطريقه تحسسه بانها افضل منه ؟
تصدقين فيه زوجات كثير خسروا ازواجهم والسبب التسلط وفرض الراي ؟
انا الاحظ ان في كل موضوع كل شئ ضد الرجل
مره مايحبها افضل منه ومره ما يبيها تشتغل ومره يفكر في راتبها ....
ولا رجل قال ان المراءة
تحب الماده اكثر من اي شئ
تحب التسلط وفرض الراي
منانه اذا فعلت شئ تمن به على الشخص طول عمرها
لا تهتم ولا تقدر ظروف الزوج اهم شئ يسوي الي تبيه

وعليكم السلام ورحمة الله وبركاته..
أخوي عبدالعزيز سؤالك على عيني وراسي واذا المرأه هي السبب في نفور زوجها منها
فهي غلطانه...لكن عموم المشكله اللي اتكلم عنها ...ان المرأه طالما قدمت الشمس بيد والقمر بيد
لزوجها ...ليش يتسلط....عليها؟.....ليش يكون هو المتسبب الأول ...؟؟ليش مايجلس معها بجلسه حلوة
ويتكلم معها عن اللي يجول بخاطره..؟؟واذا هي غلطانه بأسلوبها وحياتها معه اولا..؟
واذا هي مقصره بحقه اولا ...؟؟
وبعدين مو كل الحريم منانات ..."هنا انا اخالفك الرأي " ممكن النساء تحب الماده =كما الرجال تعشق الماده
مافيه بشر يكره الفلوس.......
وعمومة انا اعرف زوجه حتى بكسوة العيد زوجها مايعرفها ولابناتها ......وهو موظف آرامكو وعنده من الخير ماتقدر تسميه "ملياردير "..اقسم بالله ان زوجته هي اللي تحرم نفسها من اللبس علشان تلبس بناتها ...."وبناتها بالجامعه مو وحده ولا ثنتين ولا ثلاث...اكثر......شوف مستلزمات الحياه ......ومتطلباتها هي ...وهي مدرسه والان تقاعدت ...لها من تزوجت أكثر من 25 سنه وهذا حالها ...انا ماعرفت بهالكلام الا لما جلست معها وسألتها كيف انتي مدرسه وعلى وشك تقاعد وهذا لبسك....؟؟ردت علي بالكلام هذا ...انصدمت...وش اقول غير جزاها الله كل خير اللي صبرت على بخل زوجها هالعمر....كله ...
واذا كلامي يحمل من الخطأ ولو القليل ....اتمنى انك تتفضل بادلاء رأيك
ولك كل الاحترام والتقدير
وحياك الله اخونا عبدالعزيز.....

[ALoosh]

اكيد كل واحد يتمنى تكون حبيبتة احسن منة بس المشكلة بالعمل طبعا بس ماهواكثر