رسايل تررررررررفع الظغط

[لحضه وداع]

.ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Verdana;}
اشكركم على تواصلكم ورسايلكم الحلوه،

ولكن عندي طلب أبيه منكم

اتمنى من اللي يرسلون لي يتجنبون إرسال مثل هالرسايل





أولاً


الحبيب السري

قسم بالله هالرساله طلعت من خشمي

وش هالإختراع او المنطق العجيب اللي يبين حبيبك السري

والمشكلة ان فيه من يصدق ويعير للموضوع اهتمام .!








الرساله الثانيه

برب كلمه تغضب الله
لا اله الا الله
كلنا عارفين ان برب = بي رايت باك
( be right back )
واختصارها = BRB

وش دخلها في " قل اعوذ برب الفلق " .؟
المعنى يختلف إختلاف تاااااام ،

والا حاطين بإعتقادكم بس نشوف هالآية بنقول ايييييه والله شكله صدق .!

مافيه اي فتوى صحيحة تثبت هالكلام الفاضي

الرساله الثالثه

لا تدعها تقف بجهازك أنشر تؤجر

استغفرك ربي بس ..هالرساله اذا ماشفتها في اليوم خمس مرات مااعرف ايميلي


ياجماعه كلنا نبي الأجر .. والدال على الخير كفاعله



لكن للأسف كثييييييير من الأحاديث تكون ضعيفه وبعضها موضوعه أصلا

هذا غيرالاقوال والأدعيه اللي تطلع بدعه مالها اي اساس من الصحه

وحنا ننشرها عن حسن نيه
والله العالم بنية اللي يسويها

وعلى سيرة الادعيه ..اذا تبون تنشرون دعاء هاتوا دعاء ورد في القران او السنه او الاثر هذي تؤجرون عليها واحييكم على نشرها :)
اما ان كل واحد سمع له دعاء من ابوه والا جده قال بنشره .. خير ؟؟
اخواني ترا المؤمن مابينه وبين الله حجاب ..واذا تبون تدعون كل واحد يدعي باللي بنفسه ربي مجيب سميع الدعاء ..
دعاء صادق من قلبك وبااسلوبك انت ..مو دعاء قاله غيرك !!

،، بس بيني وبينكم هذآ أرحم من الرساله الأخيره

الرساله الرابعه

تنشيط المسن
(Activations)

ارسلها لعشرين ثم تحقق امنياتك مدري مايقفل المسن

رجااااااااء هالرساله لاعاد أشوفها
خلاص بكيفي انا ابي ايميلي يقفل ..بتفاهم مع الهوتميل بعدين
لا عاد حد يرسلها ..سامعين
جابتلي مغص الملاريا << خ





الرساله الأخيره

[ اسألك بالله ترسلها لكل اللي عندك ]
[ امآنة برقبتك ترسلها لـ20 شخص ] سلامااااااااااات
[ وصلت هذه الرساله لطيار بحري وأهملها ومدري ايش صار في قرعته .. وصلت هذه الرساله لطالب وأهملها فرسب >> والله جاتني ]
[ حلم شخص بالنبي صلى الله عليه وسلم يحثه على النشر ]
[ ان لم تنشرها سيحدث لك الليلة حدث سيحزنك ، وان نشرتها لـ15 شخص ستسمع غداً بخبر يسعدك ]

ومن هذا الكلام اللي ما يودي ولا يجيب وكله إستخفاف بعقل القارئ

وأحلى شي اللي يقولك : (والله العظيم سوف أرسل هذه الرساله لكل من عندي >>>> خلاص عاد إنت حلفت لازم ترسلها ..؟؟؟


خيييييير ..لعب بزران هو .!!





بليز ياجماعه ..خلونا نكون ناس مثقفين فاهمين واعيين
ننشر علم وثقافه وونااااااااسه وترفيه وهبال ودين صح
اهم شي الدين واضح ياعيوني مو متأكد منه لا تنشره اوكيه .



يله نلتقي في إيميلات غثيثة أُخر

[ج ـــلــنار]

فعلآ الرسائل اللي تستحلفك بالله انك ترسلها هذي أم الضغط

والله أكثر الشيوخ وعلى رأسهم مفتي عام المملكه قال : لايجوز وهذا من السفه

لكن الله يهدي الجميع لما يحبه ويرضاه يآآآرب

تسلمين يالغلا على روووووعة طرحك

لك مني جزيل الشكر

[قمريوسف]

والله انك صادقه رسايل جوالي وايميلي كلها نفس الكلام اللي ذكرتيه خرابيط مالها داعي قسم بالله ترتفع ضغطي لما اقراها.لدرجه مره اختي ارسلت لي رساله مضمونها ارسلها ولا يصير فيك شي وربك يغضب عليك ...دقيت عليها وغسلت شراعها وقلت لها لاتصدقين هالرسايل الفاضيه ولا عاد ترسلينها لاحد .....اهم شي اني انفعلت مع موضوووووووعك وعصبت ههههههه
تسلمي غاليتي,,,,,,,,,,,,

[لحضه وداع]

هلا وغلا اميره الاحلام اسعدني تواجدك حبيبي فعلا قالها المفتي بس عندنا عقول مسكره

[لحضه وداع]

اهلين قمر يوسف اجل وش اقووول انا شوي ويطق فيني عرق من هالرسايل لدرجه اني اقراها واحذفها من ايميلي من دون مارسلها اهم شي انك انفعلتي معي ههههه ومشكوره يالغلا