اشلونكم ياحلوين ياشطار؟؟
الحين بقولكم عن شغلة كلنا عارفينها لكن ما نطبقها للاسف !!
في يوم من الايام كنت مع حبيب عمري:195: وطبعا زوجي كعادة الرجل العربي اغلب الوقت صامت وانا كنت اهذر بالكلام عن كل شي في الحياة وانا اتكلم فجأة لمحت في عينه نظرة غريبة مع ابتسامة وآنا سكت وقلت إشفيك؟؟
قال مافيني شي بس كأني أول مرة اشوف عيونج صايرة وااااااااااااايد حلوة!!!!!
طبعا أنا كان راح يغمى علي من السعادة :clap2:وقلبي قام يرقع ونزلت عيوني على استحياء:spying: وقلت عيونك الحلوة وانتهى الموقف بعدين قعدت بروحي وقمت اتذكر الموقف واحساس لذيذ يدغدغني وحاشتني رغبة قوية بزوجي وقلت سبحان الله هذا تأثير المدح على الإنسان
قررت بعدها اسمي هالاسبوع (اسبوع المدح)
واشتغلت مدح بزوجي:
ياحلو جسمك
يازين طولك
ذوقك أحلى ذوق
عطرك يدوخني
ولهانة على إيدك
اموت على شعرك إلخ إلخ
طبعا مرة امدح جدامه ومرة بالتلفون ومرة بمسج
وسبحان الله أشوف ابو الشباب وايد تغير واستانس وقام يمدح ويتلزق فيني أكثر وزاد الدلع وعشنا أيام حلوة كأن معاريس
سبحان الله صج إذا قالوا إن من اسباب خيانة الزوج او زواجه إنه يبي يحس إنه لازال مرغوب خاصة بعد سنوات من الزواج يحس إن زوجته تعودت عليه ويمكن ملت منه وقامت بس إتطالع عيوبه
جربوا يا اخواتي واخواني أسلوب المدح العجيب بس بدون مبالغة أو مجاملة زايدة وشوفوا التغيير في حياتكم العاطفية و الجنسية وادعولي:bye:
07-09-2010, 02:18 PM
رد: كيف تفجرين طتقات زوجك الجنسية؟؟؟
المواضيع المتشابهه
العرض العادي
