أشوف البحر في عيني لقيت الموج دمعاتي ..

[سأبكي بلا دموع]

جروحي فوق طاقاتي بكيـت و فـي عيونـي دم
رضيت آنا على القسوه و ضاعت كـل بسماتـي

تعبتْ / و ما صِدَقْ حَظي و فوق الهم أشيل الهـم
صغيرٍ في العمر آنــــــا و كبيـره حيـــــل مأساتـي

محدْ يدري عن أخباري محد في دنيتـي مهتـم
وحيدْ أمشي مع همِّي وكبيرْ الحزْن فـي ذاتـي

سِمَعْ قلبي عَنْ الراحَه واهيَّه مِنْ الوهـم أوهـم
أعيشْ آنا بوسط واقــــعْ نهاياتـي فـي بداياتـي

ياليت تفيدني الحسره ياليت أرتـاح لـو أنـدم
صعبْ أرتاح فـــي الدنيـا حزيـنْ بكـلْ حالاتـي

سفينه مِنْ الصعب ترسى واهي مِنْ الموجْ تتحطم
أشوف البحر فـــــي عــــيني لقيـت المـوجْ دمعاتـي

كثير قلوب غرقانه واهي منْ الوقتْ مـا تسلـم
بحر هالوقت هَمْ يغـــدر وهـذا معنـى كلماتـي

يا قلبي الطِيبْ ما ينْفَـعْ عشانـي ركِّـزْ وإفهـم
أنا ملِّيـتْ أعلِّـم فِيــــــكْ وإنـتَ تزيـــدْ آهاتــــي

أمانه كان لِي خاطـر مِـنْ اللِّـي صـار تتعلـم
و يا قلبي إتـرك الطيبـه بعـد قــصـة مُعاناتـي

[ميمي التميمي]

كلام جميل جداً راق لي كثيراً

تسلم الأنامل اللي كتبت يالغلا.

[سأبكي بلا دموع]

يسلملي مرورك ميمي يا عمري ,,

[طيب الفال]

شكرا لك سأبكي بلا دموع
على الابيات الرائعة
ولك تقديري واحترامي

[سأبكي بلا دموع]

شكرا لك علي مرورك العطر ,,