تعبت أحكي مآسي الروح

[سأبكي بلا دموع]

تعبت أشكي تعبت أبكي تعبت أحكي مآسي الروح . .


قتلني الوقت بضروفه ذبحني وجفف نهاري . .



أخبي علتي وأسكت وأنا في داخلي مذبوحه . .

أجامل وأرسم الضحكه وأنا قلبي على ناري . .


أحاول والله يعلم بي أداري دمعتي لا أبوح . .

أداري الجرح وأتجاهل عن اللي ينشد أخباري . .


أقول بخير لكني جريح وفي حشاي جروح . .

صداها لو دفنته يوم يبين سنين بأنظاري . .


صرخت بحسرتي يكفي صرخت بصوتي المبحوح . .

ألا ياوقت وش ذنبي عشان الفيك باعذاري . .


تبعثر حلمي قدامي وغديت بدنيتي منزوح . .

وقفت ولا قدرت أجمع مغير مشتته أفكاري . .


أمني النفس وأخدعها وأقول إن كربتي بتروح . .

وهي والله مولوده قدر فأرحام أقداري . .


قتيل والبقا براسي في دنيا مابها مصلوح . .

قتيل والقهر قاتل من اللي ياخذ بثاري . .


أبا ببقى ضحية وقت أعاني والعنا مجروح . .

دعيت اللي خلق يرحم رجيته ربي الباري . .



أبي أسعد أنا بلحظه قبل نزعه توافي الروح . .

قبل مارحل عن الدنيا وأروح لاخر دياري . .


أنا بحمل صديد الجرح في باقي وقتي المسموح . .

وإذا وافتني القدره ترى هالبيت تذكاري . .



رثاني دمعي الطاهر في صمته مارضي بالنوح . .

رثتني قسوة الدنيا ورثتني حتى أشعاري . .



وجزت اللي ذبح قلبي وعشته بالخفا مشروح . .

لجل ماضعف بعين اللي نشدني كيفها أخباري .

[نجمة الشوق والأحزان]

قصيده راااااااااااااااااائعه ومؤثره

أشكرك على روووووعه طـــرحك ,,


دمتي وداااام إبداعك ..

[سأبكي بلا دموع]

نجمه الشوق شكرا لكي علي مرورك العطر ..

[الهاوِي]

رغم ماتحمل بين طياتها من مآسي وأحزان وشكوى ونجوى إلا إنها جميلة وسر جمالها فيما احتوت من آهات وزفرات ،فشكرا لك على ماتفضلت به ولنا به أطربت.

[سأبكي بلا دموع]

وشكرا لك اخي الهاوي علي مرورك الجميل وتعليقك الاكثر من رائع
لك مني كل الاحترام والتقدير ..