من يقــول إن الشــدايد مالهـــا غيـــر الرجـــال..؟!

[سيــــدة الغيــــد]

من يقول إن الشدايد مالهـا غيـر الرجـال..؟

والله إن بعض النساء تعجبك في وقت الشدايد

من قرأ التاريخ يلقى بين صفحاتـه مثـال

مثل خولـه بنـت الأزور فعلهـا والله كايـد

فارسه وملثمه فـي وسـط ميـدان القتـال

أرتدت درع المعارك وأتركت حلـو القلايـد

وذي صفيه يوم خندق فعلهـا مابـه جـدال

وقّفت ضد اليهود بموقفٍ عـن ألـف قايـد

وأذكر أسماء والنطاق وكيف قدمتـه حبـال

يوم بشرها الرسـول بجنـةٍ وابخيـر زايـد

وبالشجاعه ذي نسيبه بنت كعب اللـي يقـال

في حنين وباليمامـه جالهـا فعـولٍ فرايـد

وإن ذكـرت القادسيـة مانسيـت أم العيـال

أقصد الخنساء وكيف بشعرها كانـت سنايـد

وأذكر أذكر ذي خديجة وذي بعد ذات العقال

وبنت عتبه هند يوم أفعولهن فيهـا شهايـد

ولـو بعـدد أو بـردد مايكفينـي المجـال

ولايكفيني القلم والطرس وأحروف القصايـد

لكن إني جيت ابيـن كلمـةٍ فـي هالعجـال

ولا قصدت إني اشب النـار وأزيـد الوقايـد

من خذت بالدين قدوة بشروها بطيـب فـال

والفلس للي تقلـد نجمـةٍ وسـط الجرايـد

ولين قيل إن الشدايد مالهـا غيـر الرجـال

قل ترى بنت العقيدة تعجبك وقـت الشدايـد.

راقت لي

[ميمي التميمي]

من خذت بالدين قدوة بشروها بطيـب فـال
والفلس للي تقلـد نجمـةٍ وسـط الجرايـد






ولين قيل إنالشدايد مالهـا غيـر الرجـال
قل ترى بنت العقيدة تعجبك وقـت الشدايـد.

روووووعه يالغلا راااقت لي

تسلم الأنامل اللي كتبت ونقلت لنا هاالأبداع .

[الهاوِي]

حينما تتمشين بين البساتين الغناء لاتقع يدك إلا على ثمرة يانعة لتقطفيها لنا منه ،كما فعلت بنقلك لهذه الرائعة ،وفي النساء من أمثالك من هي قمة في كل شيء ،فشكرا لك على جميل طرحك وحسن انتقائك .

[توفي العسل]

صح لسان قايلها وسلمت يد ناقلها

[همسات غريبة]

صح لسانك كفو والله..

هلا بالغاليه دايموند تسلمي ربي يسعدك ابيات قمة ف روعه