عليكم السلام ورحمة الله وبركاته
هلا فيك يالغلا
ماشاء الله يخلي لك عيالك ويخليك لهم ياااارب
بالنسبه للصغيره الواضح انها عاده يعني مو سبب هو اللي يخليها تبكي لأن بنتي الصغيره كانت نفس
طريقتها لكن التوقيت يختلف وهذي العاده تآخذ لها وقت وتروح لكن باقترح عليك انك تعطيها قبل نومك
بساعه أو نص ساعه مشروب الزيزفون وهو اعشاب تجيبيه وتسويه مثل الشاي وتحطيه لها بالرضاعه
لكن ماتكثري يادوب 30 أو 20 مل ,,, وان شاء الله راح يهدي أعصابها ويريحها
بالنسبه للولد باين عليه دلوع شوي وماشاء الله كثير الحركه عشان كذا اذا راح عند أحد ممكن انو يسوي حركات ماتعجب الغير فيلاقي تهزيء من أحد فيبدأ يدافع عن نفسه بضربهم أو برمي اغراضهم ...
فإذا كان هذا السبب يبقى عليك انك تأدبيه وتقسي عليه شوي لكن مو معناته انك تضربيه لأ ,, اذا سوا
غلط عندك بالبيت تبيني له انو غلطان وانك زعلانه منه وماتكلميه ولا تحاولي تستفزيه لو عاند يعني حاولي تسوين موازنه بين عدم رضاك عن تصرفه وعن ردة فعله معاك وحاولي انتي وأبوه تكونوا متفقين في طريقة
تربيته يعني ماأحد يقسى والثاني يدلع لأن هذي دمار الطفل نفسيا قبل لايأثر على تربيته ...
الأهم من هذا كله لا تحظني أو تضمي أو تدلعي الصغيره وتبوسيها قدامه لأن ممكن اللي يسويه عند أهلك يكون ردة فعل غيره مكبوته في نفسه وانتي مو منتبهه
والله ياغلاي التربيه يبي لها صبر وطولة بال الله أعلم فيها ,,, لكن مانقول الا الله يعينا واياك على تربيتهم
ويصلحهم ويهديهم ياااارب
12-15-2010, 11:08 PM
رد: اريد حل...
المواضيع المتشابهه
العرض العادي
