ههههههههههههــ


فديتك انتي واقترااحك..

والله انا ما عندي ماانع..
والله يعيين غنوو...

لازم تبحث عن القصص..
وتحط روابطها بالبدايه..

وهي فكره حلوه..
بس البعض مو ع النظام العادي..
يمكن بعضهم يحطون عدد الردود بالصفحه اكثر من عشر مثلا..
فيكون الرابط لهم مو صحيح..

لكن الي مثلنا..عادي..هم بس اللي بيستفيدون..


تسلميلي وكل من يمر...


يعافيك ربي

الله يسلمكم ويعافيكم جميعا يااارب

اعتذر منكم أشد الإعتذار يالغوالي على تأخري لكن الأيام اللي راحت كنت مشغوله

شوي تعرفون إجازة آخر الاسبوع تبعدنا عن النت بعض الاحيان

هذي القصه حقيقيه عن فضل الصبر على الجار أو على أي شخص كان
لكن هذي القصه بين جارتين انا اعرفهم
مضمون القصه .. انو كان فيه وحده سبحان الله من يوم الله خلقها وهي ماتحب شيء اسمه مشاكل
أو أخذ ورد بالكلام يعني مسالمه .. اراد الله سبحانه انها تسكن عند جاره سليطة لسان
كانت هالجاره في الأصل تغار من المستأجره لأنها ماشاء الله جميله مرتبه نظيفه شاطره بكل شيء
سبحان الله مرت الايام وهالجاره سليطة اللسان كل ما اجتمعت مع حريم تجلس تستفز جارتها الجديده
بالكلام وهذيك صابره ولاترد عليها الا بطيب وأدب واذا كانت الجديده مو موجوده تجلس تسب فيها وتحرضهم
عليها عشان يكرهوها
وفعلا بعد فتره لاحظت الجاره الجديده تغير في تعامل الجارات معاها لكن صبرت وواصلتهم
وعاملتهم بالمعروف ولا حاولت تقاطعهم أبد
مرت الايام والسنين وهي على نفس الوضع وكان قليل جداً اللي هم في صفها أو بالاصح متقبلينها بينهم
لين اراد الله ان جارتها سليطة اللسان تمرض بمرض قوي وتلزم الفراش لفتره
في هالفتره كانت جارتها الطيبه تزورها
وتخفف عنها وتساعدها لدرجة انها تخصص وقت من يومها لتنظيف بيت جارتها وغسيل ملابسها هي وعيالها
غير الاكل اللي تسويه لها طوال اليوم وترسله لها.. مرت ايام وهي على هالحال لين
وصلت أخت الجاره المريضه وكانت هالاخت صاحبة دين وخلق ولانزكيها على الله لاحظت الاخت طيبة هالجاره
وكرم أخلاقها وصارت تذكر هالشيء قدام اختها طبعاً اختها المريضه كانت ندمانه على اللي حصل منها
لكن ماكانت تبغى تبين هالشيء لأختها
مرت الايام واجتمعوا الجارات عند المريضه والجاره الجديده معاهم وهي اللي كانت تضيفهم وتقوم بكل شيء كأنهم ببيتها
سبحان الله وهم في ضحكهم وسوالفهم الا جارتهم المريضه تقوم من فراشها وتروح لجارتها وتسلم على راسها
وتعتذر منها والدموع مغرقه عيونها
الكل طبعا منذهل من تصرفها .. ناظرت فيهم وقالت ياحريم لاتستغربون هالانسانه ماشافت مني الا كل
كلمه جارحه وسنين طويله وهي صابره علي وعلى اذيتي لكن يشهد الله اني ظلمتها واني
طول هالمده ماشفت منها الا كل خير وقامت تسرد لهم اللي سوته معاها طول فترة مرضها وتعتذر لها
وتضمها وتقول يمكن الله عاقبني باللي انا فيه بسبب ظلمي لها وتجبري عليها وهي صابره ومتحمله
طبعا الجاره الطيبه قامت وسامحتها وتكلمت كلام يرد الروح ماشاء الله الله يثبتها ويزيدها من فضله يارب
والله يابنات انا كنت من ضمن اللي حضروا الموقف ولاانساه ولا انسى كيف تغيرت هالانسانه بسبب
صبر وأخلاق هالجاره العاقله مع العلم انها الصغيره لكن يؤتي الله الحكمه من يشاء ..
هذي هي القصه وسلامتكم .
واعتذر منكم مره ثانيه على التأخير

قصصك اللي سردتيها رااااااائعة كروعتك
وتحمل في طياتها عبر جمة وفوائد عظيمة

الله يجزاك الفردوس غاليتي


تقبلي مروري


تـ ح ـــــياتي

ماشاء الله عليها ربي سبحانه رزقها الحكمه والصبر .

عاقبه الصبر جميله وثماره طيبه .

الله يجزاها الفردوس ويسامح جارتها ويعفو عنها .

اموره قصصك روووعه كروعتك يالغلا والله يشهد اني احبك فيه .
الله يجزاك ووالداك وكل عزيز عليك الفردوس الأعلى .