مشكلتي مع زوجي الغيور

[بديتـ اغار]

مرحبااا للكل

هالمره مشكلتي انااااا


ماتدرو شقد مقهوره اني كل مره انحرج وانجرح !!!

انحرج مع صاحباتي اختي حتى اهل زوجي

يعني كل مره يعزموني او شي يقول لا لاتروحين

اختي بتروح سوق او شي تقولي بمرك مع زوجي ونروح نخلص امورنااا

بالعلم انها ماتقصر معاي اذا قلت لهاا تعالي معاي

وهو يقولي لاا ماتروحي ليش لانه زوجها بوصلنا !!!

نفس الشي ابي اروح لصديقتي من تزوجته للان 3 سنين وانا ما اروح لصاحباتي بس حدي الاهل

وهو لااااا مافي

اجي اتكلم معاه بهدؤ مايرد علي

طيب وش الاسباب الا تخليك ترفض اقنعني

والا تبيني اسوي الشي من وراك !!!

صدقوني ياجماعه انا لو ما اخاف الله كان رحت كل مكان وهو مايدري بشي حتى

وحاولت بالطيب لدرجه اني بديت اخسر من يعزو عليي بسبته

مادري هذا غيره والا تملك والا احتكار !!!

بليز ااذاا احد يقدر يفسر لي شي

ولا تقولو لي كلميه بهدؤ انا للان هادئه

وادور على حل معه

لااااا طولو

ردوووووووووووووووووو

[ج ـــلــنار]

مراااحب ياغلاي

بصراحه وضعك يبي له صبر شوي وانتي قلتيها بالعنوان قلتي غيور

يعني ياتصبرين عليه وعلى غيرته وتسايريه أو بتخسرين بيتك وحياتك معاه

وانتي قلتي مالك الا 3 سنين متزوجه يعني لسى حياتكم ببدايتها

ونصيحتي لك يالغلا تعطيه الثقه وتمشي كلامه دام انك بتحبيه

وهي فتره وتعدي مهما طال الزمن راح يتغير وراح يكون على مزاجك انتي وبيجي

وقت كلمتك هي اللي بتمشي لكن المهم تعطيه الثقه فيك وتتحمليه وتطاوعيه

على اللي بيقوله حتى لو كان هالشيء يضايقك ..

الحياه الزوجيه اذا تبيها تستمر لازم تصبري وتضحي وبالغالي بعض الاحيان

هذي نصيحتي

والله يعينك ويسخره لك ياااارب

[بديتـ اغار]

تسلمي قلبووو عالرد اللي يبرد القلب

بس ياختي انا قاعده اخسر الا حولي ولما اقوله عطيني سبب عشان افسر لهم ليش انت ماتبيني اروح لهم يقولي بس مابيج تروحي وكأني قاعد يتلذذ وهو يقولهاا

وانا لو بسوي شي مثلا مايعجبه افسر له واقوله الاسباب حتى لو ماقتنع فيها اتقبل وجهة نظره وهو لااااا عكس تماما

وهالشي مايعجبني بتقولي لا تقولي السبب

طيب اقوله بطلع مع اختي هالايام كل اعراس ولازم اتسوق

مافي تروحي طيب هدا زوج اختي شمعنى اهي زوجها يخليها تجي معانا وانت لا هالشي وش بفسره ؟؟

حتى ادا بروح رحله مع اهله ما ارتاح وانا جالسه معاهم طول الوقت عيونه علي

ولما نرجع يحاسبني على كل شي ؟؟؟؟ وكل الا يحاسبني عليه مال امه داعي


ابي افهم وش نوع هالرجال ؟

ووش الحل الا يناسبه ؟؟

تكفون ساعدوني

[سلووووووووووم]

زوجك غيرته قوووية مررة

والله يعيينك من جد علييه

مثل ماقال الي قبل سايريه وحاولي تتفهمين

غيرتها وخلييه يفهمك والله يعيينك ويصبرك اختي

[Amani226]

انا برأيي ان هذه مش غيرة هذا حب تملك اختي هناك بعض الرجال يحبو ان يسيروا زوجاتهم بطريقة مستفزة للزوجة . اين كيانك هل لايثق بك ام ان هناك اناس معينين لا يريدك التواصل معه ان برأيي ألجئي الى احد من العقال في حياتكم سواء من اهله او ا هلك ليجلسو معه ويعرفوا ماالمشكلة بالضبط . ويحاولو ان يشرحو له انك مستنكرة وقد تصلين الى طريق مسدود في يوم من الايام وترفضي البقاء معه وانه يجب ان يثق بك وبقراراتك سواء كان موجود ام لا.

الصبر علية ليس الحل فمثل هؤلاء الرجال لايتغيرووون الا بموقف جدي.

تحياتي موفقة في حياتك