كيك الشوكولا و الفانيلا

[ريحة عطر]

السلام عليكم ورحمة الله وبركاته

كيك الشوكولا والفانيلا

المقادير:

نص كوب زبدة
2/3 كوب سكر
3 بيضات
1 ملعة شاي فانيلا (السائلة)
قشر ليمون (اختياري)
1 ونص كوب طحين (لكل الاستعمالات)
1 ونص ملعقة شاي بيكينغ باودر
ربع ملعقة شاي ملح
1/4 كوب حليب

لتغطية الكيك:

كوبين من السكر الخاص بال icing او سكر بودرة
نص كوب زبدة
ملعقة شاي فانيلا (السائلة)
ملعقتين كبار من الحليب او كريمة خفيفة
الوان طعام

او ممكن تسوين اي كريمة تبينها.. او تكتفين بالتشوكليت

الطريقة:
جهزي الفرن وخليه على درجة 117
حطي اوراق الكيك في القوالب



لعمل الكب كيك: اخلطي الزبدة مع السكر لين الخليط يصير خفيف.. بعدين ضيفي بيضة ورا بيضة مب كلهم مع بعض.. كل ما تضيفين وحدة اخلطيها عدل.. بعدها ضيفي الفانيلا وقشر الليمون اذا اخترتي انج تضيفينه.


حطي هذا الخليط في المكسر^

وفي وعاء ثاني ضيفي الطحين والبكينغ باودر والملح مع بعض.



خلي المكسر (جهاز الخلط) على سرعة واطية وبالتناوب ضيفي خليط الطحين والحليب.. على ثلاث اضافات.. شرط ان تبتدين وتنتهين بالطحين.. طحين حليب طحين حليب طحين .. الخ.



ضيفي بالتساوي خليط الكب كيك في القوالب الورقية.. ودخليه الفرن لمدة 18-20 دقيقة او لين شفتيه استوى.. (جربي حطي عود اسنان اذا ماعلق فيه شي معناته استوى).. طلعيه من الفرن وحطي الكب كيكس على رف حديد مثل اللي بالصورة الى ان يبرد..

الكمية = 12 كب كيك









اول ما تبرد الكيكات حطي عليها الكريمة وزينيها مثل ما تبين J








ان شاء الله تعجبكم الطشة