"العقال" حملة رجالية ضد قيادة المرأة للسيارة في السعودية

[فراشه فوشيا]

الحريم اللي يبون يسقون ودي اشوفهم واقلهم اههجدوووووو
قمتو تنافسون الرجال بكل شي ماعاد السواقه وتبون تسون مثلهم
الحرمه مكانها بيتها رضيتي ام ابيتي .........

[عبدالعزيزعبدالله]

والله النسوان شاطرات بكل شيء لكنهن خوافات ماأظنهن يسوقن لخوفهن من السياره
ولا يستعملن الاسلحه الناريه لخوفهن منها وفيهن شيطانيات مايعرفن الخوف من شيء

[تعلمت بعدماتألمت]

يابنااااااات ياحريييييييييييييييييم اهجدوا واتعوذوا من الشيطان
بالله عليكم وش تبون بالسيارات والسواقة وكللللللللللللللل هالكلام الفاضي والله والله المفروض تحمدون ربكم انكم مصونات مكرمات والحمدلله عندكم مين يوديكم ويجيبكم والله الوحده فينا ملكه عند اهلها وفي بيتها وادري بتقولون في الي ماعندها وفي الي ما يوديها في حالة الحاجة في السواق بس يكون الثقة والامين الي يصونك وتأمنين نفسك معه وماكونين لوحدك والله صدقوني لاسمحوا لنا بالسواقه بتنفتح علينا ابواب جهنم من الفساااااااد ومن الاذى اذا انتي واثقه من نفسك ومن سواقتك خافي على نفسك من الي برا من كلاب الشوارع ياما سمعنا ناس بسياراتهم ومع اهلهم ماسلموا
الحين وانتي بلحالك بتسلمين انا اول وحده اتمنى اسوق والله بس يوم اني فكرت فيها بعقل لا والله مااااااااااااااااااااااااااابي والله يخلي لي ابوي واخواني وزوجي يودوني حيث ماابي لا واطلع السيارة وكل الي علي اتربع واكل واشرب واشغل السي دي والا اكلم بجوالي وانا رايقة مااشيل هم اني اناظر السيارات من كل جهه والا الاشارات والوقفة الممله قدامها والشوارع الزحمه وذا يدخل علي وياخذ مكاني وحرقه الدم والاعصاب وان مره مره طفشت رجعت مقعدتي ورا وغفيت لما نوصل الي نبيه ويصحوني
صدقوني انتم الحين متلهفين على السواقه بس لانكم ممنوعين منها وكل ممنوع مرغوب وبس يسمحون بها فتره وبتملون والله العظيم اهلنا ورجالنا مع الوقت بيتكلون علينا وبنشيل المسؤليه كامله من توصيل مدارس وطلبات البيت وشوي جيبي غدا وماتدرين بكرا يمكن هو يقولك روحي جيبي لي جرايد من السوبر ماركت بعز الظهر يعني بنعلمهم يتكلون علينا خلونا كذا احسن اصلا واحنا بس جالسين بالسيارة ومانسوي شئ نمل اجل وشلون لاسقنا والله مو بحلوة منظرك وانتي لابسه وكاشخه ومحد قدك وفجأة تشدين اعصابك وتعصبين وتقطعين الاشارة بالله عليكم وين منظر الانوثه فينا ساعتها والا بتقولين بااسوق وانا بعبايتي لاتضحكون على انفسكم ذي البداية وشوي شوي بترمون الغطاء مع الحر طبعا وبعدها العباه تضايقك بالسواقة مايصير وشوي شوي بنلاقي نفسنا ماصرنا نلتزم بتعاليم الدين الاسلامي
اصلا بس يجيبون طاري السواقة اتخيل سيارة فيها بنت وبنشر عليها الكفر قدام الاشارة بعز الظهر والزحمه ورجعه الدوامات وش بتسوي ساعتها فكروا بعقولكم قبل لاتفكرون بالشي الي تبون مو كل شئ يصلح لنا خلونا كل وحده في بيتها ملكه ملكه وفكروا بهالكلمة زيييييييييييييييييييييييين
ويبقى الموضوع وجهة نظري وحبيت ابديها لايعصبون اخواتي البنات والله من حبي وخوفي عليكم