مشكله كبيره يابدو

[مسوووق]

السلام عليكم :
لازم اول شي نحترم المواضيع المطروحه ونناقشها بعقلانية وبدون تعصب
يالنسبه لموضوع البدو هم بشر وفيهم الشده وألغلظه زمان لما يبغون يربون عيالهم علشان يعلمونهم
المرجله في الصغر يرسلونهم للباديه واعظم فخر الرسول صلى الله عليه وسلم نشأ في طفولته
في بني سعد جهت الطائف
والحاله اللي ذكرتوها فوق فعلا موجودة الى الان لكن مو عند كل قبائل البدو نفس للقبيله
فخذ موجوده فيه ذي أبعاده وفخذ لا مافيه
أقولكم قصة واحد يحكي عن نفسه مهو يقولون
كنا نسولف مع واحد من الشباب على وشك زواج دخل علينا واحد بدوي واحنا متحمسين في السوالف شلون يسوي الأضاءه الشموع اللبس شوي تغير وجهه وقال وش تقولون انتم
ونقد علينا سواليفنا طبعا هو كبير شوي 50ومتزوج2 قلنا له اجل انت شلون تسوي قال
ابد اذا بغيتها أشر لها الحق وراها اطفي اللمبه وترفع ملابسها قد الحاجه وانا بعد ارفع ثيابي
على حد الرجال وبس.
سألناه يعني ما تشوفها ما تلمس اعضاء جسمها ما تداعبها ؟؟؟؟
نقد علينا وقال لا والله ما عندنا ذا السوالف
واللي قطع قلبي صراحه يوم سألته عن أمه شلون يشوفها وإلا لأ وش تتوقعون؟؟؟
قسم بالله الله يحرمني أغلى ما عندي قال بالحرف الواحد لا والله ما شفتها ألى اليوم
ويقول ما شفتها الا يوم وفاتها ويقول بعد ما غير رفعت غطوتها عن وجهها شوي وقلت:
الله يرحمتس يومه قلت من جدك شلون تحس بحنانها وشلون تحبها قال والله حس بحنانها احس
سألته عن عياله البنات الصغار زيكم قال لا والله البنت عندي بالبيت ما غيرر تتمشى مفرعه شعرها
أقولها البسي شيله يابنت عن اخوانتس ترد عليه وتقول : هذا انتم يا الأولين
والله يهديهم .
في عادات في مناطق اخرى أردى منها امل التطرق اليها مثل حرمان المرأه من الميراث
وعدم حضور زواج البنت وعدم تقديم دعوات لحضور زواج البنت .............إلخ, ممنوعه كلمة تم شطبها ,