بالعكس ميوده موضوعك عجبني كثييييير وحاااااااااااسه فيه مره يمكن لانو اتعرضت لهالموقف انا جدا اعاني في مكان عملي مع ادارتي ولكن محبتي لصديقاتي هي السبب الي تخليني اتحمل كل شئ عشانهم ومدري انا احس ان دايما وخاصة ف اماكن العمل الخاصة لابد من مضايقات الادارة يعني حتى لو غيرت مكان العمل حلاقي شئ ثاني يضايقني ويمكن وجود صديقاتي جنبي هو الي يمدني بالصبر والتحمل على هذا الاحساس ماانكر احياناً يوصل الموضوع شئ اكبر من طاقتي وقدرتي ع التحمل ووقتها اقل شئ ممكن اعمله اني اخذ لي اجازة يومين اريح فيها اعصابي وارجع بنفسية ثانية احسن وابدأ من جديد
لكن كل ماصادفتني مشكله او موقف او حسيت بغربة قمت وتركت عملي وبدات مشوار حياتي من جديد حيكون صعب علي وماراح احس بالاستقرار ف العمل بس على الاقل احاول انو اتأقلم مع الوضع الي انا فيه
حلو الواحد يكون مرتاح ف عمله ومع الناس الي بيحبهم بس مو دايم الشئ الي بنحبه بنحصل عليه كله مع بعض ف لو حصل بعضه الي ممكن يعدي البعض الباقي انا عندي مو مشكله
ويمكن لانو انا مااحب استسلم بسهوله ابحاول مره واثنين وثلاثه ويمكن عشره بس مااستسلم ابدا وعلى قد مااعاني في مجال عملي لي قرابة الست سنوات الى الان في نفس المكان وكل نهاية سنه انوي النيه بعدم العوده لنفس المكان لكن فترة الاجازة تكون نقاهه لي وتجعلني اعود اشد اصراراً واملاً ف النجاح من جديد وكل سنه على نفس الموال حتى اقتنعت باني وان استقلت من عملي ف سوف اجد مثل ماكان يضايقني فيه في عملي الجديد ويمكن اسوء ( ومثل مايقولوا امسك مجنونك لا يجيك الي أجن منه) واذا على علاقتي بصديقاتي انو اقدر اشوفهم وتستمر صداقتنا نعم بتستمر لكن لن تكون كما لو كان يجمعنا مكان واحد نضحك على نفس الموقف , الكلمة, ويمكن نبكي وكل شئ ,نأكل معاً يعني بتجمعنا اشياء ومواقف اكثر بكثير من لما تكون بس زيارات او مكالمات وتمسكي بالعمل واصراري عليه ولله الحمد لييييس لحاجه ابدا ولكن لتطوير نفسي واثبات ذاتي بدل من الخمول والكسل وجلسة البيت المميته القاتلة بالنسبة لي اعتبرها المووووووووت البطئ ويمكن لانو اعتبر خرجتي من البيت تخليني احتك بمعظم نماذج المجتمع واتعلم كيف اتعامل معهم وكيفية التصرف ف العديد من المواقف والصبببببببر وعشان اثبت وجودي لنفسي وللمجتمع
ولانو ماتعلمت وشقيت على نفسي وتعبت وسهرت واستسلم وبسهووووووله ابدا ابدا
هذه وجهة نظري وقناعتي الشخصية
07-17-2011, 03:04 PM
رد: استنى تانى ..استنى ليةةةةة!!!!
المواضيع المتشابهه
العرض العادي
