ليت الصبر يشرى والله اني لشتريه اهداء خاص

[السفير ماااجد]

عزاه ليت الصبر يشرى والله اني لشتريه
وياطي حالي من غرابيل الزمان وطيته

اثر الهوى يخلي الرجال ينسى امه وابيه
الا بري حاله وعزيله وممحق نيته

يصد عن بعض الوجيه ويشكي لبعض الوجيه
لاهل دمعه عند خلق الله وربي بيته

ياليتهم يدرون باللي في فوادي كلّبيه
كان اعذروني واتركو قلبي على سجيته

(مجنون خلقه ) وابتلاني واحدٍ حسبي عليه
جنيتي من يوم شفته عانقت جنيته

شرع بقلبي من يسار وقام يسحب مايليه
لرتحت من شلفاه شفت الموت من جنبيته

الله مسخّرني كذا والقلب في راحة يديه
قلبي معه بشهود ومعرّف على ملكيّته

ماغير اراقب طلعته واقول يالله تهديه
عساه ياقع في محابيل الغرام وخيته

امشي معه كني سفيه وارجع معه كني سفيه
الله معنينـــي معــه من بيته لكليّتـــه

لاشفت زوله من بعيد وكل شبحي لد فيه
كنه يقول اني باموت ولا عَبر محميته

انشهد انه فالحلا والملح مامثله شبيه
كن الحلا في معصمه والملح في كفيّته

ابيه من قلبي ابيه وكل مافيني يبيه
لخطيت من حسناه راضي لو تجيني سيته

لو المطالب بالتمني دون كيف ودون ليه
كم واحدٍ لامن طلب تحققت امنيته

ياليت له اخٍ صغيّر واتعذربه واجيه
لاقال وش عندك هنا طلعت له عيديته

والله لعزّه وان تعثر قلت بسم الله عليه
ماهو لجل عين الصبي لجل عيون اخيّته

ذبحت نفسي من غلاه الله يرحم والديه
واللي ذبح نفسه بنفسه كيف تِدفع ديّته

م/ن

[الـ ع ـنود]

و أنا ما لي إهداء اهئ اهئ اهئ .... أمزح

مجودي
مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دائمآ انت متألق
تقبل احترامي

[انثى حالمة]

صح اللسان من اشعر الابيات الرااائعة ..
وسلمت يد من انتقى لنا روعة الاحاسيس ..
لاهنت غاليي ولا هان غاليك ..
وتستاهل ميمي التميمي الاكثر والاكثر ..
ادارية متالقة ومميزة ..
نحلة وشعلة نشااط بجنبات الموقع ..
غاليي مجودي ..
لاهنت
ودمت بخير ..

[السفير ماااجد]

اسعدتني ردودكم العطر
زمرودة ,,, انثى
الف شكر لكم على المرور