(ياليت ربي ماخلق حـب وفـراق )

[معجبني غروري]

(ياليت ربي ماخلق حـب وفـراق )


دمع تحـدر فـوق الاوجـان دفـاق
جاراه حبـر فـوق الاوراق رايـق

حبري ودمعي فالهوا صارن ارفـاق
وكلن على كيفـه يصـوغ الحقايـق

الدمـع وضـح ماكتمتـه فالاعمـاق
في ضامري وسط الضلوع الغلايـق

صبرت واخفيت المحبـه والاشـواق
لين ان نار الحب صـارت حرايـق

ولولا ضلوعي ضبت القلب باوثـاق
والا تـمـزع ماتفـيـد العـلايـق

والحبر صاغ الفكر في بيض الاوراق
تصريف هجس اللي به الفكر ضايـق

لي هاجس عاشـق وللشعـر يشتـاق
يلهيه نظـم الشعـر ضايـق ورايـق

ولي صاحب يسوى طويلات الاعناق
وفي خاطري تفـداه كـل الخلايـق

دايم على وصلـه معـذب ومشتـاق
وياما على شانـه حسبـت الدقايـق

عهـد المحبـه حافظينـه بميـثـاق
مـادام روحـي مالفـت للتـرايـق

واقسمت له باللي كفل كـل الارزاق
اني علـى حبـه اصـون الوثايـق

وعقب الغلا والوجد ومزوح عشـاق
جار الزمان وصار بعـض العوايـق

وحل الفراق وصحت ياشين الافراق
والقلـب للهجـران ماهـوب طايـق

ولو صحت لو ناديت والقلب خفـاق
لو قلت انا المسروق والعشـق بايـق

حكمه وصـارت للمحبيـن طـوراق
وقـول السديـري فالدواويـن فايـق

[انثى حالمة]

آه سيدتي ..
كم اتوق لتلك الكلمات التي فعلا وفاعلا تلامس السريرة ..!!
لاهنتي يالغلا ..
لقلبك السكينة والفرح ..
دمتي مبدعة بانتقاءاتك المميزة ..
تحية وجلة لروحك ..

[السفير ماااجد]

رووووووووووووووعة طرحك
الف شكر لك

[معجبني غروري]

اسعدني مرووركم

يعطيكم الف عافيه