الشوق جاير

[عاشق الأنثي]

الشوق جاير وجور الشوق لعيونك
والحب بين بعيني يوم حبيتك

يا مبعد عناد قلبي مايعرفونك
حتى لو إني عزفت إسمك وغنيتك

ساندت صبري وراك وطاح من دونك
وجيتك وأنا لا بغيت الصدق ما جيتك

أهلكني الوجد وأنت أهلكت مفتونك
وعلمتني كيف أونك لين ونيتك

ياليتك تشيل دمعي في حجر نونك
أو ليتك تردني عن قول يا ليتك

مابين سكر عنبك ولذع ليمونك
شربت مرك على شانك وحليتك

تكفا فديتك شوي شوي على هونك
تراك غالي وأنا زودت وأغليتك

وإن شفت أهل بيتك المعمور يغلونك
شف قلبي أصدق غلا من كل أهل بيتك

لاتسمع الناس لو كانوا ينادونك
إسمع صدى صوت قلبي يوم ناديتك

قل سم أو قل هلا أو قول يا عونك
ما تدري إنك ليا ناديت لبيتك

لبيه لامن ضحكت وبانت سنونك
وأخفيت مبسمك بين أطراف جاكيتك

حبيتك بعقل لين أصبحت مجنونك
وذبحت شعري لأمل لقياك وأحييتك

متى على الله تضم عيونى عيونك
وأنشدك بالله قلي ليش حبيتك





قولـوا لهـا مافيـه غيـرك بهالكـون

يقدر يسولـف مـع عيونـي ويحكـي



وقولوا لها خمسه وعشرين مليون

من البشر فـدوه لهـا ليـه تبكـي

[ج ـــلــنار]

أبيات راااااائعه ونقل مميز

الله يسلم ايديك ويعطيك ألف عااافيه يارب

دمت بخير

[عاشق الأنثي]

يسلمك ربي من كل مكرووه اشكر توجدك المميز هنا معي

[السفير ماااجد]

ابيات جميلة الف شكر لك على نقلهااااا

[عاشق الأنثي]

الجميل توجدك اخوي السفير ولا تحرمني توجدك