اثري احبه

[السفير ماااجد]

يا عزاه .. من فرقى من تحب .. يـا عـزاه
إلى مـن خـذاه البعـد واقفـى ولا جابـه




ليا مات ذكره .. ( طاري الشوق ) جاء واحياه
والى طروا اسمه .. فز قلبي وحيـا بـه




أسج بغرامه وإن دعوني نطقـت بـ : هـاه !
وآشـوف الخمـل فعيـون ربعـي ولا هابـه




جعله الوهـم .. لآمـوت وانـا علـى لامـاه
وأنا إن مت منه .. فآيني فـوجه مـن جابـه




يا حيه قبل يجفـى .. وحـي الوصـل حيـاه
ويا حي الطريق .. اللي حصل وألتقينا بـه




أمره .. وأوقف .. وقفة اللـي تحيـر خطـاه
وتصير النسايـم كلهـا .. ريحـة ثيابـه !




أنا ما ادري ! .. غيابه يهيـض علـى ذكـراه
او انـه هـوى ذكـراه .. يطـري غيابـه




أحاول آسج انـي احبـه .. عسـاي أسـلاه
وعيت غلاتـ(ن) وسـط جوفـي تعـزوى بـه




غلاته مثـل طلبـة رفيـق ٍ " قبالـة جـاه
وعيـب " علـي آخـون عهـدي وطـلابـه




على رمل قلبي.. جرتـه يـوم جـر خطـاه
وعلـى كـل ضلـع.. لـه شخابيـط وكتابـه




الى جيت منطقته .. ومريـت صـوب حمـاه
لاجودت عقلـي شفـت روحـي علـى بابـه




يا ليته جرحني جرح .. وآعرف ويـش دواه
ولا راح منـي دون مـا يشـرح اسبابـه !




أحبه .. كثر مـا هـل دمعـي علـى فرقـاه
وأحبه .. كثر ما جابني الشـوق لابوابـه




يغيب الفرح وازهـم علـى غيبتـه وانخـاه
لو ان الفرح .. من يوم مـا غـاب قفـا بـه




مهو يحز فالخاطر سوى اني علـى لامـاه
جروحـه خزايـن هـم .. والقلـب سردابـه




أحسب ان قلبـي كـل مـا يبعـد بينسـاه
واثري أحبـه .. كـل مـا زاد بغيابـه !!










م/ن

[روح تعبت من الجروح]

حي اللة السفير مجود

[السفير ماااجد]

لك البقى

لا هنتي اختي


مشكوره على المرور العطر

[طيب الفال]

قصيدة راااائعة واختيار مميز راقت لي

اشكرك سفيرنا ماجد على طرحك ودمت بخير

[السفير ماااجد]

هلا بك ابومحمد

لا شكر على وااجب

جميل انها رااقت لك