طــفــولة *_ * اعضاء زوجــي و زو جــتي ^ ِ ^

[كوله مو معقوله]

ما يفرقنا غير الموت

حياااااااااااااااااااااك ,, وكل الشكر لك

[المـ ؛؛؛ ــافر]

1- أوصف لنا طفولتك؟
قرادة بقرادة...... بس والله كانت فله
2-هل تتمنى ان تعود طفلا" ؟ولماذا؟
والله هي أمنيتي بس مستحيلة ..ولماذا؟ لكي تعود القلوب صافية كما كانت
3-هل كنت طفلا" مدللا"؟
لا والله ما عرفت الدلال من طلعت على الدنيا للحين لأني ولدت بين أخوة وأخوات كثير وما أللوم الشيبان أنهم ما دلعون وش يبون يلحقون خخخخخخخخ
4-هل مررت بصعوبات خلال فترة طفولتك ؟
أي والله أخواني جننوني وأنا صغير لاني ما أطيعهم والشايب الله يطول بعمرة كدني بالمزرعه والحلال كد ......بس طلعني رجل خخخخخخخ
5-هل كنت طفلا" هادئا أم خجولا" أم مشاغبا" ؟
لا والله مفارقني الهدوء ........كنت مو مشاغب لالالا كنت مجرم ......بس الحمدلله عقلت هالحين خخخخخخ
6-أذكر لنا حادثا مر بك خلال طفولتك ولم تنساه الى الان ؟
كثيييييييير ....مرة صدمة بسيارة أبوي كنا نبغى نروح للمزرعه ونزل أبوي يشتري لنا من البقاله وخلا المفتاح بالسيارة ودقت السيارة سلف ونقزة وصدمت السيارة اللي قدامنا وهو يجي أبوي طاير وهو يضربني وكانت أول مرة يضربني وأخر مرة لان أبوي من النوع اللي ما يمد يده عياله بس ذاك اليوم ضربني ضرب على خفيف بس قدام راعي السيارة علشان كأنه سوى شي ....يمكن علشان يتنازل بس خخخخخخخخخخخخ
ومرة بعد أسرح بالغنم يوم كنت صغير وفيه نعجتين ما هن معجباتني وانا اللحقهن أبغى اطرحهن وهن يهجن واركض وراهن وراحن لليوم والليله ما رجعن وكنت خايف من أبوي يوم علمته قال هن الفلانيات قلت أيه المجنونات ما يدري أني أنا المجنون .........قال الله لا يردهن جعلهن فدوتنلك يا وليدي عاد أنا كيفت خخخخخخخخخخخ
7-أين كنت تقضي معظم وقتك ؟
بالحارة مع الشباب والعصر بالمزرعه
8- لعبتك المفضلة ؟
كرة القدم
9-هل كنت طفلا" أجتماعيا" أم أنطوائي ولا تحب اللعب والمخالطة ؟
كنت متعدي الاجتماعية بشوي خخخخخخخخخ
10-لديك أصحاب من الطفولة؟وهل بقيت معهم ام باعدتكم الاقدار؟
والله صراحه سؤال محزن ومخجل بنفس الوقت
صراحه ما صفى غير واحد هو اللي لحد اللحين أنا وياه مستمرين مع بعض والباقين تركتهم لانهم حين ما كبر صارو أصحاب سوء اسأل الله لهم الهداية ..........وفيه أصحاب لي هم اللي ما راح أنساهم ماحييت هم رجال باعوا الدنيا وأشتروا الاخرة وقد أفضوا الى ما قدموا وأسأل الله العظيم أن يتقبلهم في الشهداء...
11-هل كنت تحب أفلام الكرتون ؟ وما هو الكرتونك المفضل ؟
ايه يوم كنت صغير أحبها ---كنت أحب –الكابتن رابح –والكابتن ماجد-ومغامرات عصام –وعدنان ولينه وغيرها الكثير
12-كيف كانت علاقتك باخوانك وأخواتك؟
ممتازة جدا جدا
13-هل هناك انسان معين غرت منه في طفولتك ..ولماذا؟
لا يوجد الحمدلله وأنا ماني من النوع اللي يغار
14-صف لنا موقفك أول يوم دخولك المدرسة؟
كنت أبكي أبغى ارجع مع أبوي للبيت بس الوالد ما رد علي شغل سيارته وخلاني وجلست أصيح ويعطوني المدرسين بسكوت وعصير وريالات وأنا عاد أستانس يبوني أطلع بالفلة عييت لا أطلع خخخخخخخخخخخخ
15-شي كنت تتمناه بطفولتك ولم تحصل علية ؟
كنت أتمنى ابوي يشتري لي سيكل مثل الاطفال الثانين بس ما شرى ليه لان عنده ماشاءالله جيش بالبيت اذا شرى لواحد لازم يشتري لهم كلهم ...........بس ابشركم أول ما توضفت شريت له جيب أخر موديل
16-حلم الطفولة ماهو؟ وهل حققته؟
أني أصير طيار وما صرت خخخخخخخخ بس أشوى صار أخوي طيار ما راح الحلم بعيدخخخخخخ
17-ما هي الكلمات التي كنت ترددها في طفولتك؟
والله ناسيها
18-هل كنت مطيع لوالديك؟
الحمدلله.... وهم دايم يقولون ليت عيالنا مثل أريشـ




أريــشــ العـــيــنــ
:212::212::212:

[мαηηαя]

روووعهـ أريش

أحسن انضربت خخخخخخخخخ ماتتوب عن اللقافة

الله يعوضك ويعوضني ب عيالنا

يكونون أصدقاء لنا

يسعدك ربي ...

[كوله مو معقوله]

اريـــــش العــــينـــ ...... راعـــي الابــل :212:

طفووله رااااااااااااائعه واستمتعت وانا اقرأها كثيييييييييييييير

وحابه اشكرك من كل قلبي لانك شاركتنا بطفولتك

وبدون ما اعزمك وياليت كل الاعضاء اللي ما شاركونا يشاركون

مو لازم ينتظرون دعوه مني ع الخاص :hul:

من جد فرحت بمشاركتك :212:

الف شكر لك :132: