شجون الغلا

إنسانه مسلمه · 03-16-2012, 01:02 PM

أعجــز عن التعبيـر والوصف والبـــوح
.............................. وتعجز حروف الكـون عن وصف خلي

ريـــــــم الفــــلا ريان عــــوده ومملـوح
.............................. خشـفٍ على عـــرش الجمـــال مْتعـلّـــي

جامع صفـــات الزين وبخده الضــــوح
.............................. مثل القمــر بين النجـــــــــوم مْتجـلّــــي

ماشفت مثله بالمــلا طبـــع ومــــــزوح
.............................. لامن طـــــرى لي خاطــري مسفـهـلـي

له رمش وان سلهم فلاشــك مذبـــــوح
.............................. فعلـه بقلـبـــي جيــــــش نازل مظلّـــي

كله دلع صــــوتــه رخيـــمٍ ومبحـــوح
.............................. يعــــزف وتـــر قلبـــــي دلال وتغلّــي

باسباب ظرفه صرت انا منه مجـروح
.............................. يامـا تمنيت الوصـــل .. مـا حصـل لي

ولامن فقدته صــــاح في داخـلــي نـوح
.............................. تبكيــه عينــي والخـفـــــوق ومحلّــــي

ياروح وين اللي سكن داخل الــــروح
.............................. ويـن الـــذي تل المعـــــاليــــق تلّـــــي

وين الــذي عطــره مع أنفــاســه يفوح
.............................. هـو منيـتــي بالكــــون شمسـي وظلـي

تفــوح مع ذكــره شجــون الغــلا فوح
.............................. إي والله إنـه مـــــالـكٍ كــل كـلــــــــي

يمـــرنــــي طيفـه مع الليل ويــــروح
.............................. وألمح خيــــاله في منـامـــي وأهلّـــي

وسلاااااااامتكم

**ج ـــلــنار** · 03-16-2012, 08:27 PM

تسلمين من كل شر

ابيات غاايه في الجمال ,, رااقت لي حييييييل

الله يعطيك ألف عااافيه يالغلا على النقل الروووووعه

لاعدمناك

إنسانه مسلمه · 03-16-2012, 08:53 PM

الهاوِي · 03-19-2012, 11:53 AM

قصيدة حلوة أشكرك على طرحها وإتحافنا بها

إنسانه مسلمه · 03-19-2012, 12:22 PM