الستيان او حمالات الصدر المناسبة للعسولات كيف؟؟؟؟؟

[كبرياء زمن]

الستيان او حمالات الصدر المناسبة للعسولات كيف؟؟؟؟؟

السلام عليكم

ادري موضوع غريب شوي لكن اعتقد انه مهم مهم مهم

الصراحة انا دايما ايهمني ان المراءة سواء كانت متزوجة ولا بنت لازم تهتم بشكلها وطلتها
وطبعا اهم شي عند الوحدة شكلها الخارجي
من ميكب ولبس واكسسوارات
واتحاول انها تهتم في الملابس الداخلية طبعا فيه منهم اشكال والوان
وانا اهنيه بركز على الستيان او الصدرية مثل ما يسمونها البعض
((وما ادراك ما الستيااااااان))
انا اعتقد ان دور الستيان كبيرررررررررررر جدا جدا
في ترتيب شكل الجسم واظهاره بصوره مرتبه وجميله وفيه نوع من الجاذبية
ومن ملاحظاتي ان تقريبا 80 % من النساء مقاسات ستياناتهم غلط
واختيارهم للستيان المناسب بعد غلط
والنتيجة ان شكل جسمها كله ايصير مبهدل واللبس ولو كان غالي و انيق يطلع مبهدل
يطلع الصدر نازل وكل واحد في صوب

وطبعا لانه نازل ومبهدل فالكرش ايبين ظاهر بزيادة
فلو كنتي لابسه الستيان الصح
راح ايبان جسمك مرتب وما راح ايبان الكرش بصوره واضحة لان الصدر بيكون مرفوع
وبيغطي على الكرش
وطبعا ما ننسى الوقفة الصحيحة اللي ايكون فيه الظهر مستقيم
يعني مشدود وستيان قياس صح وموديل صح
شوفي جسمك كيف راح ايصير الكرش بيختفي
والموخرة راح تبرز بشكل جذاب
حبايبي
راح احط لكم انواع الستيانات
واستخدامات كل نوع
وكيفيه اختيار الستيان المناسب
ابغي تفاعلكم معاي

اول شي راح انتكلم عن شروط اختيار الستيان المناسب
يعني فيه ستيانات للمناسبات وستيان للأستخدام اليومي
اول شي شلون نعرف القياس الصح

ناخذ المتر الي ياخذون فيه القياس على جهة الانش الارقام الكبيره مو الصغيرة
وتاخذين قياس محيط الجسم تحت الصدر بالضبط

وتاخذين الرقم الل طلع وتضيفين له5 يعني الرقم + 5
مثلا طلع القياس 29 +5= 34
يعني قياسك 34

اوكي والكاب(CUP) شلون ناخذ قياسة عشان نعرف المقاس الصحيح
نحط المتر حق القياس حول الصدر

فاذا كان الفرق بين محيط الجسم ومحيط الصدر 1 انش يعني القياس
A
وهذا الجدول ايوضح الفرق المقاسات

فاذا كان الفرق:

اقل من انش يعني قياس الكابAA
الفرق 1 انش =A
الفرق 2 انش =B
الفرق 3 انش =C
الفرق 4 انش =D
الفرق 5 انش =DD

بعد ما عرفنا كيف ناخذ المقاس الصحيح
(( ملاحظة*))
لو كان خيط الستيان يتحرك يعني وانتي لابسته يطيح يعني القياس غلط
ولو كان المحيط الاستك من الخلف غير متوازي مع الامام يعني من ورا مرتفع
يعني القياس غلط

انروح حق انواع الستيانات واستخداماتها:

اول نوع هو النوع العادي اللي من غير واير ومن غير حشوه
يلبس حق البيت والراحة واللي صدرها يكون 36 وفوق
بيكون شكل الصدر طبيعي

النوع الثاني
الكاب الكامل (FULL CUP BRA) بحشوه

يعطي الصدر حجم معتدل وشكل دائري طبيعي

النوع الثالث

الكاب القصير بحشوه (badded bra)

مثالي جدا للصدر من مقاس 32 وحتى 38
يعطي الصدر استدارة جميلة ورفع مثااالي
ولكن للكاب A, B فقط لانه الكاب D وبحشوه يبان كبيررر جدا
ومثالي لقياس المحيط الكبير والكاب الصغير
يعطي توازن مطلوب لشكل الصدر مع الجسم

النوع الرابع
الكاب القصير بدون حشوه
(un badded bra)
ويكون هذي مثالية للصدر المتوسط ومعتدل الحجم
الى الكبير
يعطي استدارة مميزة ورفع جميل جدا
ويكون اغغلب انواعة من التل او الدانتيل

النوع الخامس
اللرفع مع الجل
bush up gel bra)
ايكون فيه من الزاوية السفلية جل للرفع الطبيعي
ويكون شكل الصدر مرتفع ومغري بشكل طبيعي
جدا بسبب الجل الذي يعطيعة شكل طبيعي وافضلة للمناسبات والملابس ذات فتحات الصدر الواسعه
وطبعا يبتعدون عنه صاحبات الصدر الكبير لانه راح ايكون شكل الصدر مبالغ فية

النوع السادس
للرفع
bush up
ولكن بالاسفنح الناعم الخفيف
يعدل شكل الصدر ويعطيه شكل دائري مرتفع
يفضل لصاحبات الصدر الصغير

النوع السابع

البلكونة (balconnet bra)
وهو يعتمد على القصة بما يسمى بقصة البلكونه
ودائما تاتي باشكال جميلة ومغرية لانها تعطي الصدر شكل جميل
ويكون معظم الصدر مكشوف
ومغري وتكون الحشوات فيها خفيفة
ومعظمها من الدانتيل والاشكال المبتكرة

واخيرا الحشوات المنفصلة
منها الاسفنجية ومنها السيلكون
تاتي بشكل منفصل ولها اشكال متعددة
توضع داخل الستيان لرفع اكبر ولزيادة حجم الصدر وتستخدم بعناية
يعني اذا استخدمت بشكل خاطئ تعطي شكل منفر وغريب للصدر
من اشكال الحشوات

تحياتي
الردود ياحلوات

[نجمةالفجر]

شكرا لك و لتتطرقك لهذا الموضوع

صدقت عزيزتي ةموضوعك هذا مرة مهم لكل بنت وللعلم إن فيه منهم يخلو الصدر كل واحد في صوب لأن المسافة اللي بوسط الصدريه تكون بعيده واحلى شئ الوحد تختار الصدرية اللي تكون عريضة والجوانب الخارجية لأنها وقت اللبس تقربهم من بعض فتعطي شكل حلو ومليان .

[خواطر حب]

طرح في غاية الأهمية فالمرأة يجب أن تحرص على أناقتها ومظهرها الخارجي لكي تنعم بأنوثة دائمة ومظهرمتألق وصحة

يعطيك ألف عافيه على روعة الطرح وجمال الجلب

[ج ـــلــنار]

طرح مفيد وغاايه في الرووووعه

سلمت أناملك غاليتي على رووووووووووعة نقلك

أشكرك جزيل الشكر

ينقل للأنسب .. دليل المرأه المميزه والانيقه

[نوااارة]

طرح متميز وغاايه في الاهميه


يعطيك العااافيه