أبناء زوجي

[شلون احكي]

السلم عليكم ورحمة الله وبركاته

انا عندي 3 اولاد من زوجي وانا ربيتهم كلهم وامهم سعوديه وانا اجنبيه واللحين كبروا ووصلو لعمر 30 و27 و 20 وامهم تعلمهم يسون لي مشاكل مشاكل دائما ودحين زوجي يجبرني انهم يجو عندي البيت وانا اوافق لدخولهم ولاكنهم يقاطعوننا بالشهور وبعدين يجي زوجي يقولي انتي مانعتهم ليش انتي تبي تفرقي بين عيالي واخوانهم مع اناو اخر مره شفتهم قبل 3 شهور وعادي ما منهتم ولا شي هما يعبون راسه وهوا يجي معصب ويقعد يقول دقي عليهم وتطمني عليهم وانا حقي اني اكون فبيتي لحالي دام اني ربيتهم وكبرتهم ابغا مساعدتكم ورايكم فمشكلتي لاني بجد مو عارفه احلها تعبت

[ج ـــلــنار]

وعليكم السلام ورحمة الله وبركاته
أختي الغاليه قبل كل شيء اقول لك : الله يجزيك خير ولايحرمك أجر تعبك عليهم وتربيتك لهم ..
غاليتي ثقي ان الله ماراح يضيع تعبك عليهم .. وراح تشوفي ثمرة هالتعب مهما طال الزمن , لكن ياكل الغلا لاتنسي ان التعامل هو اللي يولد ردة الفعل سواء كان خير أو شر
يعني ياغناتي ممكن انو في الفتره الأخيره بسبب التعب صار فيه قسوه منك أثرت بنفسيتهم وخلتهم يتذمرون او يختلقون المشاكل ..
وممكن يكون فيه اسباب ثانيه انتي ماتدرين عنها هي اللي خلتهم يسوون لك مشكله , يعني مو شرط تكون امهم هي اللي تحرضهم .. لاتظلمين أحد .!
وأفضل حل في هالحاله انك تتكلمين معاهم وتناقشيهم بهدوء وبكل صراحه وتسأليهم وش اللي يخليهم يتسببون لك بمشاكل بحكم انك امهم اللي ربتهم
ومثلما هو معروف ان الام هي اللي تربي مو اللي تنجب وبس..!
حاولي تفتحي معاهم حوار وتسأليهم وش مضايقهم او مأثر عليهم .. انتي لك حق السؤال مثل امهم دامك انتي اللي ربيتيهم
ودامك انتي اللي ربيتيهم فأكيد انك عارفه تفكيرهم وفاهمتهم من غير لايتكلمون ..
تقربي لهم يالغلا وصدقيني انتي الكسبانه .. اللي تربيه زوجة ابوه وتكون طيبه معه لايمكن ينسى لها هالجميل ,لأن الكل يعرف ان الأم حنونه وحنانها فطره
لكن زوجة الأب تأدي شيء هي مرغمه عليه فمتى تعاملت بالمعرف أُكبر لها هالأمر وأُخذ على انو جميل ومعروف لاينسى
والعكس ايضاً صحيح .
حاولي تتقربي منهم يالغلا وربي يكون بعونك ويسخرهم لك ويفرج همك