كان قلبي من يشوفك تفضحه نظـرة حنينـه

[شــــمــــوخ مــــهــــرهـ]

يُوم أحبك قلت كلمه : ( يكرَم المرء أو يُهان )وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح , يا إبن اللذينه

طاب خاطر قلبي منِّك وهذي الفرقـى رهـان
حتَّى لو قلبي يحبـك ربِّـي بفراقـك يعينـه

تدري لما قلت أحبك قلت .. وما عندي ضمان
وإختياري كان خاطىء تجربه بالحيـل شينـه

كنت تخطي وكنت أسامح مرَّه / مرتين / وثمان
أدمح الزله عشانك .. وأكتـم أنفـاس الغبينـه

كنت أحبك / كنت أعزك , والغلا فيني جبـان
اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه


منقول

[** احساس ** عاشــق**]

يسلموووو شمووخ مهررره واتمنى المرره الثانيه أقرا لقلمك وليس منقووول اجمل تحياتي وتقديري لك