قصيده من قوتها سجنت الشاعر...

[حب علي]

[align=center]

إليكم القصيده يا جماهيري وهي خطره **و خلوا الرقابة تسجن الشاعر و جمهوره

هدوءاً أيها السادة حضور الحفل و السهرة **مساء الخير عالصاحي وأشوف الناس مخموره

انا اسف على الازعاج ولكن طارت السكره**تذكرت اني قبل ساعات أصيل و عزوتي نوره

على فكرة الكرفته عجزت أفكها عسره.**أبي واحد ينزلها او أي وحده و مشكوره

ابي ثوبي جيبوا لي ثوبي الاشهب مع الغتره** قبل والله ما اطربقها على هالحفل بحضوره

ولا واحد يتكلم قبل ما أخلص النشرة** ومن يحكي قسم بالله لأدوس برجلي حنجوره

تراها قفلت ياسادة بلادي و ياستره**وأهي مادامها خربت بقول الليلة الثوره

انا بحكي من اول يوم جيت لدنية(ن) قذره**وتكرم عن قذارتها بيوت الله و معموره

انا مولود في ليلة شتا مع بردها مطره**في خيمه وسط صحرا مابها سستر و دكتوره

انا يا حضره السادة غريب و ضاع من صغره** لعن جدي زماني بين مدهوره و مهجوره

حملت من الشقا مالايطاق وجايكم ذكره **ولا اني عاجز اتحمل و اموت بنفس مقهوره

وانا ادري يذبح الرجال كثر الصبر في قهره **وعن قهر الرجال المصطفى حذر و مذكوره

و هم قالوا مفاتيح الفرج للحي في صبره **وانا اشوف الصبر مفتاح ضاع و زاد طابوره

تعبت ألمم ايامي بايدين الهم والحسره**تعبت ألمع البرواز وامسح غبرة الصوره

تعبت ابوس كف الجوع وخشم الفقر طال عمره** تعبت اكذب على الحاجه واقول الحال ميسوره

تعبت احمس من القهوه واحط السمن والتمره** تعبت ودلتي وحده و كل شوي منثوره

احسب العز بالدله وبيت النذل به عشره **دلاله اكثر الملعون ومليانه و مسطوره

انا بحكم البداوه انزرع في داخلي بذره**عن علوم المراجل ألف بذره فيني مبذوره

تربينا على الدين ونطيع الله مع شكره *تعلمنا نصلي ونحفظ القران وكل سوره

تعلمنا نحب الضيف وفينا الكرم فطره** تعلمنا نقول الصدق لا لفه ولا دوره

تعلمنا نحلب النوق ونعرف وش هي البكره**تعلمنا الظما وحنا بأيدين البير محفوره

تعلمنا وكثير اللي تعلمناه وش كثره** اخذنا درس بالدنيا بلا دفتر و سبوره

وانتم يا سكارى الحفل عفوا ايها هالزمره** منهو فيكم عرف قهر الزمان و وظلمه وجوره

منو فيكم وطاه الجوع وذله وصفقه فقره**منو فيكم عرف يحتاج للقمه و نشف زوره

منو فيكم من الضيقه حفر باصابعه قبره**منو فيكم رقد ليله وسط اجساد مقبوره

منو فيكم مشا حافي برمضن كانها الجمره**منو فيكم سهر ليله الظلام بدون اباجوره

منو فيكم ماطاح الفين مره و سلمت الجره** وانا قبل اطيح وجرتي بايديني مكسوره

لكم الماء والوجه الحسن والمال والخضره **ولنا حنا الظما والجوع وفقر وشيفة عوره

ولا مره حظي ضحك بوجهي واشكره مره **وغيري مبتسم حظه وكل ايامه مسروره

كتبت الشعر من صغري و بيوتي مابها كسره* وانتم تبرزون اللي كتب بيتين مكسوره

انا ياحضرة ساده فقير ما اغتنى بشعره **مادام المومس اللي تشري الاشعار مشهوره

وانا ياحضرة الساده هنا الليله وعلى فكره**ترى البدله مسروقه و رجلي بجزمه محشوره

ولكن قلت ابحضر هالحفل والعمر ابي اختصره** ابي ابدع معكم وسط ليلة انس و محظوره

اذا كانت رجولتكم بكاس الثلج والخمره **انا باشرب بلا كاس وثلجه ألف قاروره

ابويه قاللي مره دسم شاربك بالغبرة **مايدري بالشنب محلوق وجابر فاقد شعوره

انا بمشي مادام الليل ودع وابتدى فجره**بروح ارد البدله على هالمعلاق مزروه

وانا ادري يا كلاب الحفل اني بالسجن بكره **مادام الليله جبت العيد بهالحفل وحضوره

[/align]

[ريحانه 2009]

حياك،،،
القصيده كلماتها غريبه و قويه ...
لكن اتمنى لو نعرف من هو الشاااعر؟؟؟؟
عساك عالقوووه....

[سيــــدة الغيــــد]

يسلمووووو قصيده غيييييير
يعطيك العافيه لك الشكر