فضيحه مطعم الصاج الذهبي؟؟؟؟؟

[بنت العرب]

السلام عليكم ورحمة الله وبركاتة
يازين الحرية ياناس

وتستمر مهازلة العمالة الاجنبية بس يحق لهم دامهم لاقين شعب متعاطف معهم

كلكم تعرفون سلسلة مطاعم الصاج الذهبي ذولاك الي شاورمتهم كلها زيت فروعة منتشرة بكل الرياض وفرعهم حق برج التلفزيون هو اشهر واحد وعندهم بعد فرع على طريق التخصصي وفرع بحي الملك فهد وفرع بحي الريان <<< يسوق لهم

- هالمطعم تم اغلاق فرعة الموجود بحي الريان شارع عنيزه من بلدية النسيم بسبب تكرار حالات التسمم الغذائي !! يعني ترى ميب اول مرة ولا ثاني مرة !! قبل سنة تقريباً اغلق اسبوع بسبب حالة تسمم !! وهالمرة تم اغلاقة فترة 30 يوم .

قامت بلدية النسيم بالتشهير بوضع ملصق صغير يشرح فيه انه تم اغلاق المطعم شهر كامل لحدوث حالة تسمم غذائي ..

الحيلة الأولى :
قام المطعم وبكل بجاحة ووساعة وجه وقله أدب ماتتصور بحيلة بأيقاف سيارة (دينا) اما باب المطعم علشان يغطوون ملصق البلدية وجاء بلاغ للبلدية وداهمت فرقة من بلدية النسيم وشالت السيارة ..

الصورة مأخوذة من جريدة الرياض

الحيلة الثانية :
-مريت اليوم من المطعم الصباح وشفت انهم مسويين حيلة ثانية
مسويين انهم يجددون بالمطعم . موقفين سيارة التوصيل امام المطعم وحاطيين شبك حديد على ملصق البلدية بحجة انهم يقومون بأعمال الترميم
اتصلت مباشرة على طوارىء الامانة 940 وقدمت بلاغ لهم .. وطالبتهم بوضع ملصق تشهير اكبر من هذا

هذي الصور :

- الموضوع ليس قطع ارزاق لكن مسئلة ان المطعم ما أحترم زبائنة بتكرار حالات التسمم والتموية على البلدية مرتين !! يعتبر تلاعب بالأنظمة ماينسكت عليه ابد .

قاطعوهم .. قاطعوهم .. قاطعوهم

انشروا الموضوع حفاظاً على صحتكم وصحة من تحبون منقول

[شفاااايف عطشااانهـ]

حسبي الله عليهم

للدرجه دي قلة الحيا وصلت فيهم

المفروض البلدهـ بعد التصرفات هادي مو يقفلونه مؤقت الا نهائي

عشان يكون درس وعبرهـ لكل من تسولو له نفسه يسوي زي كداا

شكرا حتاتي لنقل الخبر للفايدهـ

[مزواج]

والله مهزله ما بعدها مهزله

مع انهم كتبوا عنهم في الجريدة بس هم للحين يكابرون

شكرا اختي ويعطيك الف عافيه على مواضيعك الرائعه

[العلياني]

بـــنـــت الــعـــرب ... ..



يـــعـــطــيــك الــعــافــيــــةعــلــى نـقــلك الممــيــز ... ..


شـكــ وبارك الله فيك ـــرا لك ... لك مني أجمل تحية ........ ..






اخــــــــــــــــــــوك /

الــعــلــيـــانــــــــي ...... .