السلام عليكم ورحمة الله وبركاته
أشكركم جميعاً على ردودكم والله ما قصرتوا ورايتكم بيضه ..

أختي سجينة احزاني : الله يبعد عنج كل حزن يارب ويوفقج مع ريلج ويرزقج ال1رية الصالحه يااااااااااااااااارب ...

أختي زوجة المستقبل الباهر : أشكرج على مشاعرج رحم الله والدينج وجزاج الله الف خير ، زوجي لمن يفتح النت يكون ويانا بالصاله يعني ما اقدر البس واتغنج جدامه وجدام ولدي وبناتي !! وزوجي دين ويخاف الله اهو مرة وحده غلط قبل 7 سنين وقالي الربع قصوا علي وهذي آخر مرة ولمن قعدت مع ولدي وسالته قالي انا شفته فاتح موقع وصخ فيه بنات آسفه على هالكلمة صدورهم طالعه قلت له يعني مو لابسين شي قال امبلا بس الصدر أكثره طالع .. وحلفني ما اقول لأبوه لأنه يخاف ابوه يطقه وعدته ولمن قعدت مع ابوه مثل ما نصحتني الغاليه مجنونة اشقاني قلتله ولدك وايد متضايق وقالي ابوي راح يدش النار انت شمسوي الي الولد يقول عنك جذي ؟ جان يقول ولا شي لفيت ودرت معاه وسويت روحي اتذكر جان اقوله اي اهو تكدر يوم كنت انت فاتح النت شاف كمبيوترك وقلب ويهه معصب انت شنو كنت تطالع .. للأمانة ما حسيت ان زوجي توهق ولا افتشل كان عادي قالي انا كنت اشوف الايميلات قلت يمكن كنت حاط صورة وحده أو شي جان يقول لا بعدين قال تذكرت كان واصلني ايميل عن بنت مستر بن وكان لبسها فاضح وأول ما فتحته قعد ولدي يمي فمسحت الايميل على طول قلتله الظاهر ولدك عباله انت كنت تشوف صور وصخه قال اعوذ بالله انا مو من هالنوع الحمدلله قلت له خلاص انا راح اكلمه واشوف شلي ضايقه ..
بعدين صارحته بالمسج الي شفته وبعد عتاب وكلام قالي انتي مالج حق تنبشين بتلفوني قلت له والله مو من عادتي انبش بس هالمره ياني احساس افتح تلفونك وبشوف شي وفعلا شفت شي عور قلبي ،، قالي انتي مينونة هذا كان شعر شفته بالجريدة عجبني وكتبته قلت له ووينه الحين قال مسحته قلت له ليش قال جذي امس كتبتبه واليوم مسحته قلت له تتعب روحي وتكتب شعر طويل وتالي تمسحه ؟؟ قال اي كيفي بمسحه انتي شنو متوقعه قلت بصراحه متوقعه انك دازه حق احد ثاني قال انا ما عندي هالخرابيط انا احبج وظفرج عندي بالدنيا وانا اذا بدز مسج حق احد ما راح اخاف منج بقولج بس انا ما عندي احد غيرج وقام يقولي احبج واموت فيج ومن هالحجي بصراحه انا لنت معاه شوي بعدين رديت قلتله حجيك ما اقنعني قالي مو مهم المهم انا متاكد من نفسي ان ماعندي شي وسكري الموضوع رجاءا لأنج قاعده تجرحيني انا مو مسوي شي ......

اما بالنسبه لكلامج اختي زوجة المستقبل الباهر ان اقلل من طلعاتي حشى والله انا مااطلع بالعكس ودايما مهتمه بنفسي بس شعري صاير خفيف ما يتعدل لكن مو قبيح .. وأدلل بزوجي وأدلعه وكل الي يبيه اسويله ..

وولدي كلمته مثل ماقلتيلي اختي بس حسيته مو مقتنع وقالي ماما ابوي ماكان فاتح الايميل كان فاتح على موقع مكتوب عليه بالانجليزي معناه بالعربي صدور النساء الآسيويات آنا صراحه انصدمت اكثر جان اقوله يمكن فتحه بالغلط وانت ييت حزت الي بيسكره قال لا كان مندمج بالصفحه ويوم ييت سكره !!!!!!

بالنسبه للي قالت عنه اختي مجنونة اشقاني ان زوجي يمكن يحب ال .... ولازم ازيد الجرعه اختي ما نقدر احنا ساكنين بشقه واليهال معاي انتظرهم ينامون يعني ما اقدر كل وقت ..

اختي الشوق ولادمعه مشكورة يا عمري على الرد ..

الحين قولولي اشرايكم اصدق زوجي ؟؟ ولا اصدق ولدي ؟؟
وشسوي ؟؟؟؟؟؟؟؟؟؟؟؟؟؟

بسم الله الرحمن الرحيم

بقول لك كلام مهم جدا

عندما تكتشف المراة خيانة الزوج تفقد ثقتها بنفسها وتعتقد انة تركاها لعيب او لنقص فيها وهاذا شئ خاطئ استعيدى ثقتك يا اختى حاولى ان تشغلى نفسك باشياء اخرى جددى فى شكلك لون شعرك قصتة تغيير شكل ملابسك ومكياجك اهتمى با ولادك بتغيير ديكور بيتك يمكن الروتين هوا الى مخلية يجدد حياتة ويغيرها
لا تواجهينة ولا تصارحينة لانة عندما يعرف بان لديك علم بما يفعل سينتقل من السر الى العلن وسيفعلة امام ابنائة
وتاكدى ان زوجك فى حاجتك دائما لاننا اصبحنا فى زمن اصبح الرجل ضحية لاغرئات فى كل مكان فى التلفزيون والنت وفى الشارع حاولى ان تشغلية دائما

اما ولدك انتبهى تهزين صورة والدة امامة وحاولى ان تبررى لة ما يفعلة والدة

التفكير وتحميل الامور اكبر من حجمها سيدمر حياتك

وبا لتوفيق يارب

الله يعينك أختي

مدري كلامك في تناقض كبير يمكن ماتبغى تثبتي التهمة على زوجك من حبك له

أو أنك مصدقه كلامه وهذا شي طيب

دائماً احسني الظن بزوجك ولا تشغلي بالك بالخيانه والكلام الي يزعجك أبداً

وكل الي عليك الدعاء له ولولدك

ودي أساعدك بس حاسه أنك قافله الباب تبغي المساعده بس رافضيتها نفسياً

الله يوفقك ويهدي زوجك وولدك ويهدينا جميعاً

اختي حلم وردي شكرا لتجاوبك معي : بالنسبة للاهتمام بالنفس فانا دائما اهتم بنفسي اغير الصبغه بين فترة والثانية ملابسي اغيرها البيت يمكن انا مهمله فيه لان انا ما اعرف ارتب او اغير فيه ساعات آخذ راي زوجي واغير بالي اقدر عليه وانا ولله الحمد واثقه من عمري الحمدلله الله معطيني الجمال وحتى جسمي حلو لا ني المتينه ولا الضعيفة .. وبالنسبه للاكل الكل يشهد لي طباخه ماهرة ودايما اجدد بنوع الأكل وحاطه لبس خاص للمطبخ ولبس للقعده مع الأولاد ولبس خاص للنوم .. المكياج ما اكثر منه مرة اقعد بدونه ومره بس حمره ومره كحله وحمرة ومرة كامل يعني اشكل .. الشي الوحيد الي مو عاجبني بروحي شعري وايد تغير وانتلف وعالجته بكل الطرق ماكو فايده ..
اختي يعني قصدج ان شفت شي ما اقوله انزين واشلون اقدر اتحمل ؟؟
وولدي بين فترة والثانية قاعده اكلمه واحاول ابرر فعلت ابوه والله كريم ....

اختي زوجة المستقبل الباهر الله يعطيك العافيه على اهتمامك فيني والله يسعدك يارب ....
ليش تقولين كلامي فيه تناقض ؟؟
انا بصراحه ما اشك في زوجي اهو ما يطلع بره ويانا على طول اللهم يروح للدوام بس .. لكن بعض تصرفاته تخليني اشك ان في شي يعني سالفة المسج والنت تعور قلبي اقول مو معقوله صدفه ؟؟؟ انا فعلا احبه وماودي اسمع بيوم من الايام انه متزوج علي ولا يحب وحده ثانيه ...
ليش تقولين اني قافله الباب بالعكس اختي انا مستانسه وفرحانه انك للحينك معاي ورديتي علي ..

الحين انا ما ادري شنو اسوي انسى وابلع الي شفته وابدا من جديد ولا اراقب تلفوناته ومسجاته ؟؟
انتو اقتنعتوا بكلامه يوم يقول كتبت الشعر الي عجبني وتالي مسحته ؟؟؟
ساعدوني يرحم والدينكم ولكم كل الشكر والله يوفقكم جميعاً

موفق بإذن الله ... لك مني أجمل تحية .