lمشكلتي مع زوجي وولدي

[جوهرة]

السلام عليكم ورحمة الله وبركاته
من عوار قلبي ببلش بمشكلتي على طول وياريت ألقى عندكم الحل الجذري يرحم والدينكم ..
قبل جم سنه تقريبا 6 إو 7 سنوات طحت على ريلي يشوف صور وصخة وخليعه بالانترنت ولمن عرف قام يتأسف ولمني وقال أنا آسف وهذي آخر مره صدقته ومشت الأمور ..
قبل سنة كنا شاريين موبايلات نفس الموديل وبيوم قعدت حق صلاة الفجر ولا يوصل مسج عبالي حق تلفوني فتحت المسج طلع تلفون ريلي وكان المسج من واحد باسم بوعلي بس الحجي فظيييييييييييييع الحجي بلسان وحده تقول انا مشتاقتلك وأحبك وقاعدة انت قاعد ؟؟!!! طبعا آنا بغيت أموووووووووووووووووت رحت وسجلت الرقم ومسحت المسج وصليت الفجر وقعدته حق الصلاة ولا قلت شي وثاني يوم أخذت نقال رفيجتي ودقيت على رقم بوعلي طلعت لي وحدة وسويت روحي داقه غلط وسكرت ..
ماصار شوي الا ريلي يدق علي وهو معصب شكو لا عبة بتلفوني وماسحة مسج واصلني جذبت وقلت له اني ماشفت شي ولا تعبثت بتلفونك ليش تظلمني وبعدين انت اشدراك ان واصلك مسج جان يقولي رفيجي مسوي فيني دقة والحين انا مفتشل ان الربع عرفوا ان مرتي تفتح تلفوني وتراقبني قلتله وهذا الي يهمك بس ؟ ما يهمك ان تصير بيني وبينك مشكله المهم حاشني عوار راس فظيع فاستاذنت ورديت البيت ويغمى علي ويوديني الطبيب ويتاسف مني وهو بيبوس راسي شاف شعري انصدم الا كللللللللللله ابيض وطالعتلي ثعلبه كبير بصراحه دمعت عينه وقام يتعذر وايد وانا قلتله احلف ماعندك وحده غيري طبعا مارضى وقالي خلينا ننسى ويشهد ربي علي اشكر عانيت لمن عالجت الثعلبه ولازم كل شهر اصبغ شعري والسبه الشيب ..
امس ويا مصيبت امس نغزني قلبي وشي قالي نبشي بتلفونه وبصراحه اخذت تلفونه ولا القى مسج مكتوب بالمسودات بما معناه اني راح ارحل واترك حبج انصدمت ورديت التلفون .. واليوم جيكت على النقال ما لقيت المسج معناه دز المسج ومسح الرقم الي دز المسج حقه .
اليوم المصيبه كبرت ولدي الي عمره 11 سنه طاح على ابوه وهو يشوف مواقع وصخه وصكت فيه الدنيا ياي يقولي انتي دايما تحذريني من الصور والمشاهد الوصخه وتقولين الله ما يرضى اشلون عيل ابوي يطالع بصراحه انربط الساني ماعرفت شقوله والله ان ضاق خلقه وظل طول اليوم متكدر وانا ومادري شسوي قلت ماكو الا الجئلكم ..
يرحم والدينكم ساعدوني شسوي شقول حق ولدي ؟؟؟ وبالنسبه لريلي شسوي معاه اشلون اتاكد ان ماعنده وحده ثانيه ؟؟؟؟؟
ساعدوني الله يخليكم .. بانتظار ردودكم

[سجينة احزاني]

بسم الله الرحمن الرحيم والله مااقول غير الله يعينك ويصبرك ويحفظ ولدك باالنسبه لولدك خليكي دايما جنبه وانصحيه وابدا ابدا لاتنشغلين عنه لانه لو اخطا بيقول هذا ابوي يسوي نفس الشي وحثيه على الصحبه الصالحه ولا مانع من مراقبته وهذا لمصلحته طبعا والله اعرف وحده زوجها نفس زوجك وزياده وهي مطنشته لانها تعبت معه ونفسيتها تعبت والحين مطنشته وعايشه حياتها مع عيالها ولعيالها فقط وربي عوضها فيهم والله انه اكبر اولادها عمره 14 سنه ومحافظ على جميع الصلوات وبار فيها وعارف انه الي ابوه يسويه غلط ومايجوز .المهم مااطول عليك لكن عليكي باالدعاء اخر الليل واختي نصيحه لك ترى الهموم تمرض وتكبر الواحد الله يكفينا واياك شر الامراض ويهدي زوجك ويسخر لك ولدك اللهم آآآمين حبيبتي لا تنسيني من الدعاء ان الله يحفظ لي زوجي ويرزقني با الذرية الصالحه

[زوجة المستقبل الباهر]

السلام عليكم ورحمة الله وبركاته

أختي جوهره كلامك أثر فيني كثير والله

عيوني أنتي تعرفي متى زوجك يدخل النت ويشوف الي يشوفه فيه صح ؟؟

شوفي ياقلبي بالوقت الي يدخل فيه زوجك النت إنتي ألبسي وتزيني له وأجلسي معاه ونسيه بقية النساء هذي مسؤليتك

وبصراحة عيوني كلنا فينا عيوب أبحثي عن عيوبك أو تقصيرك بحق زوجي وحاولي تصلحيه

يمكن ماتجلسي معه وقت كافي أو ماتدلعيه الرجل مثل الطفل يحب الدلع والأهتمام بس يكره المراقبه

حطي براسك حسن النية ولا تفتشي بجواله وبنفس الوقت أشغليه فيكي

خففي من طلعاتك أجلسي معاه وهو بالبيت أسهري معاه بس سهرة حلوه مو عباره عن س / ج

أهتمي فيه وكأنه اصغر أولادك وماراح تصدقي النتيجة يبع الدنيا ويجلس تحت رجولك ياقلبي


أما مشكلة ولدك أهم شي أنك تفهميه الي يسويه ربي يحاسبه عليه لابد إنه يفهم إن الله يراه

وقولي له أن أبوه يبحث عن موضوع معين مثل محاربة تلك المواقع أو يدخل هذي المواقع ويصور

الي فيه عشان يكون عنده دليل ليراسل المركز المسؤل عن النت ويحجب تلك المواقع ولا تصغري

زوجك بعين ولدك ابدا

الله يوفقك ياقلبي وياريت تطمنينا عليك وربي شغلتي بالي الله يسعدك ويحفظ لك ولدك يارب

[كلها وناااسة]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
الله يعينك مالك الا الصبر والدعاء
بس بقولك حل وادعيلي لا نفع
اجلسي معه جلسه رومنسيه جدا جدا
وصارحيه بدون عتاب وقوليله نبي نفتحة صفحة جديدة مع بعض
وقوليله وش اللي انا مقصرة فيه واي شي او اي حركة يبيها سويها له
وحولي تكوني جنبه بالحب لا تحسسينه انك تراقبيه حسسيه باهتمام اكثر حتى لو لقيتي اسكتي واصبري وصدقيني رح يتغير اذا حس انك مهتمه فيه رح تتطول لي ما يحس بس اصبري خصوصا انك عودتيه على المراقبه سويله حركات رومنسيه
ارسليه هديه مثلا عطيه وردة الصباح
احضنيه وهو رايح اهم شي خليك جنبه وحسسيه بحبك اكثر
وشوفي النتيجه وبتدعيلي
وشكل رجلك يحب ال......
انتي زودي الجرعه شوي لو كل يوم عادي اعطيه اللي يبي
والله يوفق الجميع

[الشوق والدمعة]

السلام عليكم ورحمة الله وبركاته

انا مع الاخت زوجة المستقبل الباهر هي ماقصرت كفت ووفت وكلامها صح

والله يوفقك ويسعدك..............