محتاجتكم لاتتخلون عني

[في منتهى الذوق]

السلام عليكم ورحمة الله وبركاته
بسم الله الرحمن الرحيم
انا انسانه مريت بمشاكل مع زوجي لكن المشكله اني ماني قادره ارجع اتعايش معاه بشكل طبيعي زوجي متعود على الكذب المبالغ فيه في كل شي يستخدمه حتى لو مومسوي غلط بس عاده فيه وهالشي ينفرني منه ويخليني دايما بعيده عنه هذا غير اني مااقدر انسى اي غلط يرتكبه ودايما حاطه في بالي انه ممكن يجرجع يسويه ابغى اطلع من هالجوابغى اعيش حياتي اهملت نفسي وزوجي وبيتي وصار همي التفكير في المشاكل والبحث عن حلول لها لكن اذا بغيت اطبق القى اني مااقدر اتقبل منه شي حتى لو حاول يتقرب مني احس اني اتضايق وماودي يجي جنبي ودايم كل شي يقوله يكون فيه شك لانه دائم الكذب شنو الحل برايكم في سالفه الكذب ؟
وشنو الحل عشان ارجع اهتم فيه وبنفسي صرت احس كل شي عادي وكل شي مومهم اهم شي اكون مرتبه وبس مااهتم بنفسي وكاني صرت مااعرف مع اني قبل كنت اهتم بنفسي كثيرمع اني كنت بنت والحين احس موقادره واقل مشكله انعزل في البيت ومااكل واصير مااقدر اتحرك من التعب ادري اني طولت عليكم بس من جد محتاجه مساعده مع العلم ان زوجي طيب وانا احبه وفي نفس الوقت شايله عليه لاني انصدمت منه في شغلات ارجوكم ساعدوني

["نواف"]

في منتهى الذوق

أسأل الله ان يسعدكي مع زوجك ويجعل حياتكما حياة سرور ومودة ..

أنصحك بأن تبيني لزوجك بطريقة غير مباشرة فضائل الصدق في الدنيا والآخرة وتذكري له قصة ما حاولي
أن تبحثي عنها يكون في القصة فضائل حصلت نتيجة للصدق وكيف ان الصدق يقوي العلاقة مابين الزوجين ويزيد
من الثقة المتبادلة بين الزوجين ربما يكون ذلك حلا مناسبا ولا يتضايق منه زوجك وتحصلين من خلاله الى نتائج .

اذا لم تنجح تلك الطريقة جربي بأن تكذبي عليه في اكثر من أمر بشرط الا يسبب ذلك الكذب الذي افتعلتيه
في حدوث ضرر او مشكلة لزوجك وفي نفس الوقت يشعر بسوء الكذب الذي صدر منك في حين اكتشافه
وحينها ذكريه انك تتضايقين من الكذب الذي يحصل منه كما تضايق هو من كذبك عليه
وحضري كذبتين او ثلاث كذبات من التي تذكرينها وكان قد اقر بها في وقت سابق ..!!

أتمنى أن اكون قدمت لك حلا مفيداً

آآآآسف على الإطالة

[في منتهى الذوق]

مشكور اخوي لكن مشكله الكذب عنده عاده صعبه حتى اخوانه فيهم نفس الشي يعني كل واحد يكذب عالثاني يقول انا بره واهو بالبيت يعني اسهل حل عنده الكذب اويقول انه مرتبط واهو ماعنده شي

[الهاوِي]

نوعية زوجك كثيرة في المجتمع ،لذلك احمدي الله أنه لايوجد فيه غير صفة الكذب التي مقارنة بغيرها صفة من السهل علاجها ،وكل ما هو مطلوب منك :
أولا :أن تجلسي معه جلسة مصارحة تبيني فيها أنك تحبينه لكن تكرهين فيه صفة الكذب التي هي سبب في بعدك عنه وستجدين النتيجة الاستجابة منه ،مع نصحه وتوضيح عظم ذنب من يكذب خاصة على زوجته شريكة حياته وأن حياة زوجية مبنية على الكذب حياة شقاء ،وأنك لن تغضبي من صراحته بل على العكس سيزداد حبك له وهلم جر من الكلام الجميل.

ثانيا :لاتأخذي بكل مايقول لك وتجعليه كذبا بل مرة عاتبيه ومرات طنشي كلامه وخذيه على أنه صحيح .

[في منتهى الذوق]

شـكــ وبارك الله فيك ـــرا لك ... لك مني أجمل تحية .