مدخل:

لملمت احساسك
شعورك وقلبك
خلاص بتسافر
زين التفت لحظه
عطني جروحك بسسسس
خلها تسليني
بغيابك
الكافر







تبين الكذب ما حبك ... تبين الصـدق مجنونـك
فديتك وش بقى فيني .. مشاعر مـا خذيتيهـا ؟
صباح الخير يا عمري ... صباح الخير وشلونك
دريتي باخر اخبـاري؟ .. شرايينـي وسكنتيهـا
وحشتيني من البارح ... يا بختي صرت مفتونك
اجي من حسرتي اشتم ... دقايق عنـي غبتيهـا
حياتي مالها معنى ... اذا لحظـه تمـر دونـك
احاسيسي بدون اشعـر ... اسرتيهـا وملكتيهـا
وش اللي يختلف عنهم؟ .. عناقيدك او غصونك؟
حسبتـك مثلهـم لاكـن .... أثاريكـي قلبيتهـا
قلبتي الطاوله فعلا ... على مهل وعلى هونـك
وغيرتـي كثيـر اشيـا .... ورديتـي عدلتيهـا
وش اللي جابني يمك؟ غديها ضحكـة سنونـك؟
يجوز اصلا انا اهبل .... اصدق لو ضحكتيهـا
وش اللي جابني يمك؟ غديهـا غمـزة عيونـك؟
يجوز اصلاً انا احمق ... اصدق لـو رمشتيهـا
عجبتيني في كل حاجه ... من ابهامك الى متونك
جواهر بعضك وكلك ... باحاسيسـك جمعتيهـا
يلوموني احبك؟ لا ..... من الـلازم يلومونـك
كتاباتي وأشعاري ..... مهـو انتـي كتبتيهـا !!
وقيعاني سقيتيها ..... سحايـب وبلهـا مزونـك
على كيفك على كيفـك ... دخيـل الله رويتيهـا
احبـك ! او تحبـك ! او يحبـك او يحبوونـك
انا وروحي ووجداني ... وأحاسيسـي سلبتيهـا




مخرج:
وإخذ النظر مني
وخبه مع اشيائك
مابي اشوف الناس
وشلون اشوف الناس؟؟
وشوفي معك
سافر







لكل من مـر من هنا