عزيزتي بالنسبه لك انت وزوجك اتوقع كنت تدرين بحالته الماديه قبل الزواج واكيد قبلت فيها انا اقول اذا اخذت شيء من اهلك مو ضروري تحرجينه وتحسسينه انه مقصر هذا رجل وافهمي وش يعني رجل وانت باسلوبك هذا تنتقصين رجولته عمدا خذي من اهلك بدون ما يدري ودايما حسسيه ان مجرد امتلاكك قلبه يسوى كنوز الدنيا وهذي حقيقه لازم تحسينها تخيلي انك عندك خير ونعمه بس هو من نوع الرجال اللعوب يعني انت ومعك غيرك ثنتين ولا ثلاث مو قادر يشتري اللي يبي بفلوسه تقدرين تمنعيه لا لانه ممكن يجيب غيرك بسهوله واحب اقولك عن خبره والله ثم والله مجرد ابتسامه منك او منه او ضحكه او ضمه تسوى الدنيا وما فيها ...
جربي وتخيلي تفقديه شوي شوفي كم يسوى عندك واحسبيها صح
بالنسبه لامه ما راح اقول خليها زي امك بس اقولك عامليها زي ما تحبي زوجة اخوك تعامل امك حتى لو عصبة امك عليها كيف تتمني زوجة اخوك تتصرف وسوي بالضبط
اتمنى اكون افدتك وعذرا للاطاله الله يسعدك ويهديك ويسخر لك زوجك ....

السلام عليكم ورحمة الله وبركاته

شلونك اختي العزيزه ....

اولا احب ان اثني عليك وعلى اسلوبك الجميل بالطرح وانا في كامل يقيني انك بنت طيبه جدا والي مو معاشرك ما يعرف طيبتك

الجميل فيك انك عارفه ان زوجك غير ميسور الحال وانك في داخلك مقدره هذا الشي لكن كونك بنت وتشوفين البنات وكيف ازواجهم يعطونهم ويشترون لهم هذا الي يخليك تهاوشينه وتتظايقين ولك كامل الحق ...

اولا خليني اناقشك بالطرف الايمن من كلامك والذي يتظمن عسر الحال و مشاجراتك مع ابو عيالك وسندك وسترك ..

شوفي اختي الدنيا فيهاا اشياء كثيره وفيهاا دروس بالمجان لكن هذه الدروس لا تقدر بثمن والله , الله سبحانه وتعالى

ضرب لنا الامثال بما فيهاا القصص التي مرت على عباده احب ان اقولك مثال ..

علي ابن ابي طالب و فاطمة بنت محمد رضي الله عنهما من خير عباد الله المنتجبين واعلاهم منزلة بين الكائنات
وهذا ابن عم رسول وتلك بنت رسول انظري كيف كانت حياتهم الاجتماعيه كانوا يتغدون ولا يتعشون كانوا من ازهد الناس

مرت عليهم ايام بل سنين في عسره وحاجه لكن لم تؤثر على حياتهم شيء تفاهموا وتعايشوا وصبروا

اختي انا ما ابيك تكونين مثلهم او اني اقارن زمنهم بزمناا لكن احناا لو نأخذ جزء بسيط من سيرهم ونربطه بحياتنا المسكينه
لو جدنا اننا قد نصل الى القناعه في كل شيء ..

كوني على ثقه ان دوام الحال من المحال طالما زوجك فعلا في حاله ماديه صعبه فأصبري عليه وتغاظي عن بعض الاشياء

انتي من يئسس المجتمع كوني مثاليه في هذه الحاله لكي لا تخسري كلتا الحالتين خلاص زوجك حالته صعبه هناا يجب عليك ان تكوونين بثقه عميقه بنفسك وبيني له انك بنت ابوك وبنت الاصل تصبر على الضحل وما تقول اهـ هناا زوجك راح يحسب لك الف حساب وكذلك امه ما راح تدخل انتي غيري من نفسك وخلي دموعك بينك وبين نفسك اذا شفتي حالتك تصعب

روحي ابكي شوي وريحي حالك ومدي يدك لله وقولي يارب موعدي جنتك هذا هو المطلوب في هذه الدنيا الزائفه الزائله

وام زوجك الله يهديها حاولي تتقربين منهاا وكثري لهاا بالسوالف والعلوم وبيني لهاا انك ما تخبين عليها اي شي

ولو اني ما مقتنع بكلامي هههههههه بس هذا طبع اغلب امهاات الازواج هههههه وله اقولك خليك زي ما انتي وقولي لزوجك بعض الحكم الي تهيج فيه الرجوله وعدم افشاء الاسرار واطلبي منه ان يكون رزن بئر يسمع ما يقول

حسسيه انه رجال كفو وشبهيه بأشياء يتنومس فيهاا الرجال صدقيني الرجاجيل بس يشوفون بنت قالت فيهم شي زين وحتى لو هذا الشي مو فيهم راح يتعمدون ان يكتسبون تلك الصفه ويتبنونهاا حتى تنطبع في اطباعهم

اسف انا طولت بس انتي عجبتيني والله واحسك بنت عفيفه وقمة في الاخلاق الدينيه واشوف ان زوجك امه دعت له والله رزقه فيك ارجو ان تكونين مثل ما اتوقع واعتبريني انا اخوك الصغيير ههههههه واسمعي مني انتي راح تتغير حالتك نحو الاعلى انشاء الله


تحياتي لك وبارك الله فيك ووووو ربي يرزقكم بالرزق الحلال

السلام عليكم ورحمة الله وبركاته

اختي الغاليه بما انك تزوجتي وانتي عارفه الحاله الماديه لزوجك معناتها لازم تتصبرين ليمن تتعدل الامور

او انصحيه بان يبحث على بديل او عمل اضافي لانك اعتدي على مستوى والمشكله انك مو قادره تستغنين عنها

والطلب من اهلك انهم يلبون طلاباتك هذا امر خاطى لانك راح تعودين زوجك على هـ الامر من جهه

ومن جهة ثانيه راح تقللين من قيمة زوجك في نظر اهلك وهذا موحل للمشكله

حاولي تقتصرين على الموجود وتعودين نفسك عليه وترضين بالمقسوم والله يكون في عونك

اما ام زوجك عامليها بمثل ماتعاملين امك فيه لها عليك حق لانك بمقام بنتها والمعامله الحسنه تصفي القلوب

وتلين الصخر واذا طلبت من ولدها دراهم له حق عليه ولازم يرضيها هي امه اللي جابته وربته

ولا يحتاج اقولك فضل الام على عيالها لكن انتي سايريها وتقربي منها وحببيها فيك وبكذا تقدرين تكسبين احترامها

ومحبتها لكن لاتقولين لها اي امور من اموركم اذا كانت من النوع النقال للحديث

وزوجك يقدريشرح لامه ظروفه يمكن تعذره اذا جاها بمنطق لبق

وان شاء الله افدتك

مرحبا بك اختي حبوبي

واانا اضم صوتي لصوت اختي ريحة عطر

ونصيحة من اخوك اكثري من الدعاء والالحاح على الله سبحانه وتعالى

واذا ضاقت بك الدنيا إلجئ الى الله وقراءة القرأن

الله سبحانه وتعال يقول ادعوني استجب لكم

الله ييسر لك امرك ويوفقك وتعيش ان شاءالله احسن عيشه

دمتي بحفظ الرحمن