والله وصرتي أم ..! وأنا خابرك طفله
مرّت سنين وقالوا الحين هي أمّ

هذا الخبر يستاهل بجدّ حفله
وأول معازيمي هم الدمع والهمّ

ياغايبة من يوم رحتي بغفله
وأنا إلين اليوم هذا وأنا عمّ ..!

رحتي مثل ريمٍ من الصيد جفله
وأنا مهو صيّادك اللي تولمّ

ياسارقة مفتاح قلبي وقفله
ليتك أخذتي مابقى فيه من دمّ

حتى القصيد ان شاف غيرك وقف له
يموت فأول بيت ماينطقه فمّ

دوّرت لأبيات المعاناة قفله
شفت الحزن ماينتهي دام أنا عمّ ..!منقوووووووووووووول