عطش

**نمره** · 05-29-2009, 04:12 PM

عندي سؤال توه؟؟
خطر !
يحتاج له منك اعتراف
وشلون [ أسميك ] المطر
ويصيبني منك الجفاف

::

وينهم؟
وينهم؟
بعدهم يتذكروني؟
خايفه يكونوا نسوني
موتوني
والبقى ف راس الغياب..

::

يا سُودْ الأيَّامْ!
تكفيني غرابيلي !!
من كثر الأوجاع
مَدري وين أوديها ..؟؟

::

يا ه الطريق اللي لك إيدين الغياب تلوّح
مدري ليه أهرب لك؟؟
إليا ضقت من أح بابي

::

كذا تترك
عيوني
للدموع
وقسوة المنديل
كذا تترك
جروحك
فالخفوق
وتاخذ الباقي

::

اخاف .. اصغر..
بعينك لا انكسرت
و قلت محتاجك ..
و اخاف اتغيب عني ..
والامل تقتاته الأوجاع ..
و اخاف .. اغرق ..
وسط بحرك
ولا ترحمني امواجك ..
و اخاف تسافر .. و ترحل ..
وتقول إن الزمن ما طاع ..

::

جيت أستسمحك بالنظر
..... دام مالقيت لوصاك
طريق
وأعطي لقلبك خبر
أني ببحور شعرك غريق

::

تعبت
تعبت
تعبت
ادور بالوجيه
أنسان
يفهم لا حكيت !
وصارت ملامح ضحكتي
.من بين كفيني ألم . !!

::

وينك ؟ ذبحني الحنين وجيت لك كلي !
ع ط ش ان جايع !
و أنفاسي .. تناثر عليك !
لا يا بعد حي!
يا دنياي يا ملّي .. !
ما قلت لك ..
كل [ نبضه ] من عروقي تبيك ؟

::

الذنب
ماهو ذنب قلبك و طبعه
الذنب
ذنبي يوم ظنيت بك خير

::

بنتظر
لما تجيني
بعدها بشره عليك
لو ما أحبك
ماسهرت
ولاني عشت ب ارتياب
ولاشقى قلبي بغيااابك
ولا وقف لك يحتريك

::

تجي نرحل؟
يقولوا هناك
بنلقى حلمنا الأجمل
تجي ننسى
ولا نقسى
تجي نبدا من الأول؟

::

كنت في دنياي : حلم ،
وكانت أمنيتي / يْتحقّق
لا وربّي كنت ماااابي ،
ينتهي ه الحلم وأصحى

::

أختصارك واختصاري.. كلمتين :
" أنت أنا " .. والباقي انفاس وجسد
قلت : ( أحبك ) كثر ماعاش الحنين
وعشت ( أحبك ) كثر مامات الوعد
لاتلاقينا .. في أنصاف السنين
ولا تباعدنا .. و لا شفنا سعد

::

غريبة
تحس الحين ف البرد وتعاني ؟
انا من تفارقنا
وانا ميّت امن البرد

::

أنا ما جيت آكثر بالعتاب
وأسألك وينك ؟
أنا جيتك الملم
قلبي المكسور قدّامك
بعد ما كنت في عينك ؟
آطيح شلون من عينك
غريبه تكتب غيابك
وتنساني مع أيّامك
نزف جرح البعاد
وصاح سكينك من يدينك
تخيل عاد ؟
كم ماتت من أحلامي .
وأحلامك !!
وأحلامك !!
وأحلامك !!