اريد حلا سريييييييييييييييييييييعا مفيدا

[سويتى بيبى]

بسم الله الرحمن الرحيم انا فتاه من عائله متوسطه الحال عندى 2اخ واخت واحده فى اولى جامعه انا فى رابعه جامعه اخى الكبير بيسافر وخاطب واخى الصغير فى الصف الثالث الثانوى الازهرى مشكلتى انى مخطوبه من 8 شهور وهو سافر من 3شهور هو لايمتلك شقه ونيته انه يأجر شقه انا اهلى لايمتلكوا يجوزونى مع العلم ان والدى متوفى وامى ربه منزل لا تعمل وزى ما بيقولوا الى جاى على اد الى رايح اتفقت مع خطيبى انه يسافر واخلص جامعه ويبعتلى اسافر له وخلاص ومش ضرورى جهاز دلوقتى ووافق على الاقتراح ان انا وهو نبنى نفسنا من كله بيت وجهاز لكنه لما سافر وهوفى دبى لقى الامور كتير ملخبطه الراتب قليل والسكن غالى والشغل قليل ودلوقتى بيطلب منى انى اجهز وناجر شقه ونتجوز ده كله كوم الكوم التانى انه جاى يعقد معايا شهر واحد او اتنين انا كان كل املى ان اتجوز واحد مش بيسافر علشان ميسبنيش ويجى ليا فى السنه شهر وكل سنه اجيب عيل وخلاص وهى دى تبقى الحياه بالنسبه لينا انا بحبه اوى ومش عايزة ابعد عنه دقيقه واحده نفسى فى حل يحل ليا مشكلتى لانى تعبت من التفكير وكل ما نفتح الموضوع ده نزعل من بعض ونتخاصم وانا خايفه يزهق منى ومن المشاكل دى انا تعبانه اوى الى يقرا مشكلتى يرد عليا بحل او راى يحل المشكله الرجاء ساعدونى شكرا

[دانه بحر]

اختي سويتي اتفقي معاه يصبر سنه على متخلصي جامعه وعلى ماتتحسن ظروفه في دبي والله يكتب اللي فيه الخير لكم ويسخره ليكي ..........

[ألج ــــرح أرح ــــــم ..!!]

السلام عليكم ورحمة الله وبركاته

الله يعين شباب المسلمين على بلاويهم ويفك عنهم العوز ويفرج كربتهم

اختي العزيزه .. معلش اصبري عليه شويه هو الي فيه مكفيه يعني هو مرتاح انه يتغرب ؟ بالتأكيد لا وبنفس الوقت هو يتغرب ويشتغل ليش ؟ مش علشان يوفر لك عيشه كويسه !

انتي معاك حق عايزه رجال يكون معاك مش زاير كل سنه .. بس يا اختي اصبري انشالله ربك بالدعاء يضع حل له ..

انتي لا تتعبينه في المشاكل ولا تهاوشينه خليك معاه معين واصبري واحتسبي عند الله

هذا اذا كنتي تحبينه !! لازم تصبرين عليه وصدقيني الدنيا غريبه ممكن بكرى ربنا يفتحها عليه ويفتح له بزنز في مصر ويريحك انتي ادعي بس لو كنتي عاوزاه زوج لك


اتمنى من الله ان يرى حالكم وان يمن عليكم بفتح منه قريب ولجميع شباب امة محمد


تحياتي لك

[اميره بكلمتي]

الله يفرج همك ...ويسهل امورك يا رب ....
الافضل انك....تحاولي اقناعه بالسفر معاه ...او انه يعيش معك ...والله الحياه بدون زوج مشكله كبيره
وخاصه بعدين مع الانجاب والاطفال ...
الله يصبرك ويساعدك

[محمدالسعيد738]

الاقتباس غير متاح حاليا
انا مشكلتى نفس المشكله بس انا الى خاطب وهى نفس الحكايه معايا وانا حاليا برده مسافر حاليا بجده والمفروض انى هتجوز اليومين دول وبرده الظروف لم تسمح واعملى زى ماخطيبتى عملت بتحفظ فى القران وشاغله وقتها بيه وربنا يعيننا احنا الشباب على متطلبات الحياه ماهو لازم شقه وجهاز وما عاد الامر بالسهل زى زمان
بالتوفيق