وش فيك ياقلبي مسكين ودايم مكسور وحزين=كبرت وهدتك الأيام وجور الليالي والسنين
ليش دايم توّن وتدور بندول وإلا إسبرين=علشان تهدّي الضغط وإلا تقطيبة هالجبين
آآآه ... يادنيا قولي بس لمن تدوومين=لجل أذبحه وأخليك تقولي لقلبي يامرحبا وأهلين
تدورين .. تدورين ومالقيتي إلا عليّ أنا تحطين=تعبت ومليت من غدر الأصحاب اللي بالكذب متزينين
زمان كنا صغار وقلوبنا بيضاء وباللعب لاهين=ومايجي الليل إلا وحنّا مهدودين وبجنب بعضنا متسدّحين
والحين بها الدنيا دوم وحنّا مهجولين=ندور الفرصه بين الفرص ونقول أنتي اللي راح تصيبين
وآخرتها .. سهر ليل .. وإتصالات .. وقوة رنين=وراحت الفرصه ورى الفرصه وأقول لنفسي ماتستاهلين
أصلاً هذا نصيبي وأنكتب من يوم إني جنين=عفت حالي وشكلي وصعبت علي نفسي من كثر الونين
يااارب ياحي ياقيوم ياخالق عبادك الصالحين=تهونها عليّ وعلى السامعين وعلى كل المسلمين
أنت أعلم بحالي اليوم وبكره وبعد حين=أفرجها من عندك يامغيث لهفة المستغيثين
اللهم صلي وسلم عدد ما ركع من الراكعين=على خير الأنام محمد صلى الله عليه وسلم الصادق الأمين