السلام عليكم ورحمة الله وبركاته ،،،، وبعد
البداية اشكركم الشكر الجزيل على مشاركاتكم الجميله في موضوع هواجس السابق وكونوا على علم انه لم ينجح الا بردودكم ومشاركاتكم الجميله عليه اود ان تستمر سلسة هواجس حتى نستفيد جميعا منها
كما اود ان اوضح لكم ان جميع المواضيع المطروحه غير منقوله ....
اليوم ابي اناقش معكم موضوع مهم مهم جدا في الحياة الزوجية الجديده ...
البنت من تطلع من بيت اهلها وتروح بيت زوجها هل يجب منها ان تسولف كلشي لزوجها عن حياتها في بيت اهلها ؟
للأسف بعض البنات بس تعيش مع زوجها تلاقيها فرغت كل شي عن سوالف اهلها وتقول اخوي كان كذا واختي تعاملني كذا وامي تسوي كذا وابوي على طول يهاوشنا ..... الخ من السوالف الي حصلت لها في بيت ابوها سابقا
طيب السؤال هنا انتم وش رايكم في هذا ؟
هل حلوه بحق البنت انها تسولف يم زوجها الامور السلبيه الي كانت تعيشها عائلتها واخبار الاسره عموما ؟
ما تتوقون انها راح يقل تقديرها عنده ؟ وله عادي ما فيها شي ؟ ؟؟؟
هل تتوقعون ان الاهل وتبيين الصورة الجميله عنهم يعمل شيء ايجابي لها في نفس زوجها ؟ ام ماذا؟
ارضي وان جارت عليه عزيزه ،،،،اهلي وان شحوا عليه كرام <<< اين هذا موقعه
اجلال الاهل بصوره عامه وش يعكس على حياتها الزوجيه امام اهل الزوج والزوج ....
*احب ان اناقش معكم هذه النقطه المهمه في حياة البنت انها تبين صورة اهلها بأحلى شكل وان بالغت فيها
وعدم نقل صوره غير ايجابيه عن اهلها امام زوجها وانها تعرضت لكذا وكذا هي تظن وباغيه من ان يعطف عليها ظانه ان بهذا تتقرب له اكثر ...!!!
ارجو منكم اتحافي بردودكم الجميله والنصائح المفيده حتى يستفاد منها الجميع كما ارجو مناقشة الموضوع ومن لديه نقطه مهمه لا يبخل بها على الجميع ....
ارجو التقيد بأحترام الرأي الاخر شريطة ان يكون الرأي الاخر في دائرة الاحترام وسوف تحذف جميع الردود الموجه بلهجه غير لأقه ..
فيه وحده من خواتي شافت مواضيع هواجس تقول لي بسم الله عليك يا فلان صاير فوزيه دريع هههههههههههههههههههههههههههههههههههه خجلتني هههه
تحيات ::: اخوكم جرووح
العرض العادي
