تدلل قول علمني عن الخاطر علامه ضاق

[دانة الدنيا]

تدلل .. قول .. علمني عن الخاطر علامه ضاق

أبيات أعجبتني .. فيها من الإحساس .. إحساس كبير جدا ..

أحيانا بوح الابيات لايعبر عن شي بداخلك ولكن راح تأخذك بخيالها ل أبعد حدود الدنيا ..

تفضلوا ..



حبيبي يابعد راسي فداك القلب والأشواق

……………………… احسك ضايق الخاطر تعاتب روحك بروحك

تكلم يابعد عمري انا جيتك ظما مشتاق

………………………ولكن لهفتك عيّت تنادي بالهوى بوحك

وانا اللهفه خذتني لك وبوحي بشوفتك ينساق

……………… على مهله يبي يسكن بقلب داخل صروحك

حياتي .. قوم عاندني ولوّعني جفا واشراق

……………….. وزحزح صمتك القاتل .. قتلني قاسي شحوحك

تعال نعيد ماضينا .. تعال نجدد الأوراق

………………… تعال انثر على ليلي قطوف من سنا دوحك

تكلم .. ملنّي صبري .. تكلم وقتنا سرّاق

……………….. اذا مجروح من قلبي .. تراه يعانق جروحك!

واذا نادم على حبي وطبعك مو كذب ونفاق

………………… ابتحامل على جرحي وصدقك يعلي طروحك

تذكر وصلي الدامي.. وفاي ودمعي الحرّاق

………………… تذكر حب اهملته .. وقلب عانق جروحك

تدلل.. قول علمني عن الخاطر علامه ضاق؟

………………… سلامة خاطر الغالي فداه اللي عشق روحك

ياعمري لاتعلقني وانا جنبك هوى خفّاق

………………… يسافر في صدى صمتك يجوب الكون بسروحك

تكلم راحتي راحت.. تكلم ناحت الأعماق

………………… تكلم.. طرفي الغامض يناجي لمحة وضوحك

لكلمه بس .. مشتاقه ..لكلمه خاطري شفاق

………………… حبيبي .. إرفق بقلب خذلته صار مذبوحك

[طيب الفال]

كلمات قمة الروعة احسنتي الاختيار والطرح
يعطيك العافية دانة الدنيا
تقبلي مروري وتحياتي

[بسبوسهـ]

السلام عليكم ورحمة الله وبركاته


يسلموووووووووووووو صاحبة الاحســـــاس العلى / دانه ؛؛؛


ابداااااااااااااااااع يفوق الخيـــــــــــــــال بطرحك حبيبتـــــــى ؛؛؛؛





وبانتظار المزيد من الابداعات داااااااااااااااائما ؛؛؛؛ تحيـــــــــــاتى ؛؛


بسبوسه ؛؛؛

[سيــــدة الغيــــد]

تعال نعيد ماضينا .. تعال نجدد الأوراق

يسلمووو روووووووووعه عجبتني حيـــــــــــــــــــل

ابيات تذكرني اممممم بكل شي حلووووو

اشكرك لك مني كل الحب

[كازانوفا]

ابيات وكلمات معبرة ورائعة ..بروعة ذوقك دانة الدنيا

يسلمووووووو ع الطرح المميز

تقبلي مروري

كل الود