اذا طفلك معاند روضيه ..........................

[الايناس]

السلام عليكم ورحمة الله وبركاته
طفلك مو راضي يتحمم
طفلك رافض الأكل
طفلك يتعبث في أغراض البيت


طفلك مو راضي يتحمم

عزيزتي إنتي ربي فيه حب الإستحمام لأن هذا يعتمد أولاً وأخيراً عليك ... تدرين كيف
هل إنتي تخلين وقت الإستحمام وقت الإستمتاع ... أم وقت ممل .. فقط شامبو + صابون واطلع برع
حتى بهذي الطريقة ما بيتعلم يحب النظافة كثير ... وخصوصاً نحن في زمن القيم بوي ... والبلاي ستيشن إللي يدخلون المتعة في نفوس أبنائنا ..... وبجذي يبغون يخلصون استحمام بأسرع وقت علشان يسيرون يقضون وقتهم في شي ممتع

تعالي معاي وأنا بعلمج كيف تحببينه في الإستحمام

عبي البانيو بماي ورغوة

خذي له مجموعة الإستحمام وما بعد الإستحمام كامله


وحطي فيها بعض الكور


وياسلام لو معاه جهاز الفقاعات هذا


وشوفي لبس بايب الماء هذا


وزيدي فوقها بعض هذي الألعاب في البانيو


وشوية ألوان وطباعات ( لا تخافين تنغسل بالماي بأسرع ما تتخيلين وما تترك أثر )


أو ملصفات يفرغ ابداعاته


وخذي له هذي المنشفة


وخذي له هذا الروب لبعد الأستحمام


وخليه يلعب براحته واستمتعي معاه ..... صنج ممكن يرفض الإستحمام بعد هذا الدلع كله؟؟؟؟؟

يتبــــــــــع

[الايناس]

طفلك رافض الأكل

لا تغصبين طفلك على الأكل لكن رغبيه في الأكل ... وخليه هو بنفسة يقرب من الأكل ومب إنت تقربين الأكل له .... لكن كيف؟؟؟

ممكن تاخذين له هذ المطبخ الصغير .... بس إنتي مب مجبورة لأنه غالي شوي ... لكن إذا عيالك يحافظون على الألعاب فمب خسارة فيهم .... المهم هذا هو

وأطقم الصحون هذه

ونسقتي الأكل بهذي الطريقة وسويتي أشكال يحبها

حطي الأكل على الطاولة وقولي له مره وحده بس يالله تعال ناكل

وبعدها صدي على زوجك أو أي حد من عيالك أو كلمي لك اختك بالتلفون وقولي لها نحن الحين نبغي ناكل علشان نتقوى ... تدرين نحب نلعب ونضحك ونطلع .... وإذا ما أكلنا ما بنحصل على الطاقة إللي تخلينا نسوي إللي نبغيه ... ومن هذا الكلام .... وتحملي تركضين وراء الطفل من مكان لين مكان علشان ياكل ... وخليه يفهم إن إذا الطعام إنحط على السفرة فبينحط بموعد وبينشل بموعد .... ومحد عنده استعداد يحط السفره مره ثانية.... وتقدرين تطلعين معاه للحديقة إذا الجو حلو علشان تاكلون ... أو افرشي له حصير ... الأطفال يحبون هذا الشي ... كنوع من التغيير

يتبــــــــــع

[الايناس]

طفلك يتعبث في أغراض البيت

ما مخلي عليك تحفة أو طوفة نظيفة ... هذا معناته إنك ما مخلتنه يبرز مواهبه بالشكل اللي هو يبغيه ... ويرضي طاقته

تعالي معاي في رحلة الألعاب إللي تفضي طاقة الطفل وتخليه يصد عن أغراض البيت

هذي الفقاعات اللي يملأ فيها الحديقة

والا تخلين طفلك يصير مثل طرزان

هذي المكنسة لللعب وبالمرة ينظفون لج البيت

خليهم يقفزون ويطيرون في الهواء ويعبرون عن مشاعرهم .... ما بتتخيلين كيف بيخليهم يعبرون عن طاقتهم

أما هذا ففيه العديد من المرح .... يعني يتزحلقون ويترجحون ويتسلقون

اشغلي الطفل بالتركيب والابتكار مثل هذي اللعبة

وشو رايك بهذي الدراجات

يتبــــــــــع

[الايناس]

خذي هذا الاستاند وخليه يرسم على راحته يستخدم أصابعه ويده بدون فرشاة .... كيفه ... خليه لا تمنعينه خليه يطلع مواهبه لا تحرمينه من هذي الفرصة .... خصصي له مريلة خاصة للرسم وقولي له الفنانين الكبار يستخدمون المريله يوم يرسمون .... وحددي له زاوية معينه للرسم وافرشي له جرايد أو سفرة ...

خذي له تلسكوب وخليه يتأمل النجوم والقمر .... لكن مب يتأمل بيت الجيران ... حذريه وفهميه إن هذا الشي ... الله ما يرضاه ولا الناس....

شو رايك في الهوكي توكي هذا؟؟؟ ينفع للعبة الشرطة

شو رايك في أحواض السباحة ???

وخليهم يلعبون كرة القدم والتنس

طفلك مو قادر يتعود على الحمام

حاولي تجلسينة من أول سنة في عمره
لكن إذا كان أكبر فمب مشلكة
خذي له من هذا الكرسي



وخليه في بداية ألأيام يجلس تحت بهذا الشكل لين يتعود لأن جايز يخاف من الأماكن المرتفعة

بعد ما يتعود حاولي تفصلينه وتجلسينة على المرحاض

إذا أخذتي من هذي النوعية بيكون في معاها استكرس علقيه بالحمام ... وخليه بعد ما يخلص يلصق بنفسه الاستكرس ... ويوم يجمع نقاط عطيه هدية و سويله أكله يختارها أو وديه للحديقة

انتهـــــــــــى

منقووول للفائده

[~خيال~]

مشكووووووووووووووووووووووووره