قرب أكثر
أريد أكفر بكل من حولي
الخلايق كلها
دهشتي وكومة ذهولي
أتعرى من ذنوبي
ومن الخطايا أتطهر
اتركني في حضنك أرتل أمنياتي
أنسى همي
أنسى كل شي في حياتي
غير وجودك
أنت وحدك ما أتذكر
قرب أكثر
أريد أشعل بك ظلام الليل
واسهر واحتفل بك ليله وحده
خلني أغرق
في بحورك
في عطورك
وبوجودي خلني أشعر
قرب أكثر
اسقني من شهدك اللي
البحر لو ذاقه يسكر
ضمني لحظه
في عيونك
في جنونك
أبي أنسى كل عذابي
أبي أنسى غربتي حتى فـ ثيابي
أبي أكسر قيدي اللي
علقه وقتي بـ بابي
أبي منه لحظه وحده أتحرر
تدري إني بين إيديك
أنسى عمري
وكل سنيني
أنسى أحزاني
عذابي
وأنيني
وأيقن إني
وأنت قربي
كل شي فيني يتغير
إي وربي
تصدق إني في وجودك
أصير أحلى
أصير أصغر
قرب أكثر
تعبت وأنا في غيابك أشرب المر
وأمشي وحدي في دهاليز المدينه
حتى ضحكاتي فـ مداها
تصدق إنها موحشه
صارت حزينه
قرب أكثر
تعبت وأنا في بعادك
أقنعه هالصبر يصبر
ليه تهجر
قرب أكثر
اشتعل بك
وانطفي بك
وبزحمة أنفاسك أدفى وأتدثر
"تكفى قررررررررررررب أكثثثثثثثثثثثثثثثثثثثر"