محتاره ..أعملها والا ماأعملها؟

[كل الأمنيات]

السلام عليكم
يارب يكون الجميع بصحة جيدة
أولا : المعذرة إذا كنت أكتب في المكان الخطأ..لأني وللأمانة أول مره أشترك بمنتدى وماني عارفه فين المكان المناسب للشيئ الي أبي أسأل عنه
ثانيا: يمكن يكون الموضوع الي ابي أسأل عنه سخيف شوي بس مضطره أسأل لأن ماعندي أي أحد ممكن يفيدني
ثالثا :ياغالين أنا مملكه من فترة وزواجي يمكن بشهر 3 ويوم ميلاد زوجي بالأيام القادمة ..أدري إن الاحتفال به حرام لكن مو الغرض تشبه بالكفار قد ماهو مجرد حركه حلوه بس ،ابي اسويها له وشريت له هديه وحطيت معها بطاقه ووصيت على كيكة صورته عليها والسؤال ..ايش احسن ارسل له الهديه لبيته ومعاها بوكيه ورد والا أناديه للبيت عندي
بس لو ناديته وهذا لب السؤال هل من الضروري اعملها حفله وحركات .. والا اكتفي بوضعها على طاولة المجلس وبس ، وبعدين هل ضروري يكون لبسي شي سبشل والا عادي اي لون واي حاجه .ونسيت أقولكم أمي تقول مالها داعي الحركه بالمره لا اسويله شي ولا اهديه شي لاني باقي مادخلت بيته:sa7l. (33):
تكفون عطوني رد ..والي لها خبره وعندها فكره تعلمني الله يسعد أيامكم ولياليكم ويجزاكم الجنة

[حبي انت]

هلا بك حبيبتي ألف مبروووك عيني ...
من وجهة نظري ارسليها له أفضل بس مو نفس اليوم خليها ثاني يوم ..
موفقه ياقلبي ...

[ريحة عطر]

الف مبروووووووووك
رائي غير من حبي انت الغاليه
اشوف انك تسوينها عندك في بيتكم لانه فشله ترسلين له هديه وقالب كيك لبيته
سويله مفاجئه وجهزي كل شيء في بيتكم من قالب الكيك والشموع
والهديه والمسيقى الرايقه ....
وتجهزي باي لبس ساتر لكن حلو ولونه مناسب لك او اللون اللي يحبه خطيبك ...
وياريت تسوين له عشاء معتبر مع الكيكه وبعد هذا كله تتصلين له يجيك طبعا انتي متصله عليه قبل عشان مايقولك مشغول ولا بكرى
ويروح تعبك خساااارة ....حركات الرجال اللي ماتخلص
بعد كذا اذا جا طفي النور وخليك ع ضو الشموع والمسيقى شغاله
والجو مكيف وعطر والاجواء رايقه
خليه يدخل ويتفاجئ بحركتك الحلوة واللي بتخلي قلبه يميل لك
استقبليه بكلمة كل عام وانت بخير وصحه العمر كله
طبعا تخلين واحد من الصغار معاااكم يسليكم في الجلسه ويغني لكم
وبما ان الاجواء رومانسيه عندنا
بنقل الموضوع لقسم الرومانسيه
الله يسعدك يالغلااااااااااااااا

[عملاقو]

اختي كل الامنيات لك مني ارقى التحيات واسال الله ان يسعدك في حياتكالزوجية
رأي من راي اختي ريحة عطر ,,,
واظن ان موضوعك ينقل لقسم النقاشات افظل لتستنير برأي الاعضاء
تقبلي مروري

[اميره بكلمتي]

وانا مع اختي عطوره الله يجزاها خير ...................موفقه اختي ..........عقبال زواجك ...الف مبرووك