الرجاء الدخول للمساعده (((زوجي والمشاكل )))))

[زوجة الحب]

السلام عليكم ورحمه الله وبركاتهاخواني واخواتي رواد هذا المنتدى الطيب لكم ا
طيب تحيه

اه على زوجي الغالي ----هو رجل متعلم وفاهم ومحترم وطيب لكن يزعل نفسه وينكد علينا على اتفه الاشياء

أنا طبيعتي هادئه ووسيعه صدر لا أعطي اي شي أهميه من نفسيتي إذاشي زعلني اتكلم واناقش بهدوا واحلها واقفلها وأنتهي معه وارجع الى طبيعتي بعد نص ساعه واقل====اما إذا وقت مو مناسب حق زعل أبدي راي ان هذا يضيق الصدر المفروض انه ماحصل وبس وانتهينا---------------------إذاحبيت أني اوضح له اني لو اكون اقصد وا غلط
يقول انتى دايما كذ تحمي نفسك وانا ما بغى الوقت النكدي يمشي من أيام عمري


أما هوه لو كنا في أخربسطه وحصل غلط مني أومن الاولاد وهذا قليل لكنه دائما يرمي علي الاغلاط
ينكتم ولا يتكلم بس يغلي غليان ولا يطالع فيه ويحاول انها تنتهي الطلعه اذا أحنا طالعين ونرجع البيت ====طبعا تقوم الطيبه(أنا) وتراضيه علشان لايخرب اليوم (وبعض الاحيان توصل ثلاث رضوات في اليوم )(لكن هو مااذكر أنه جاء ورضاني وقالي وش في خاطرك== لالالا)


(قلتله لا تصير أنت زي ابو فلان واحد قريب له حصل انه زعل واحنا في طلعه نكد علينا كلنا)أنت متعلم
صارمن قريب الايام يقول انه انا واولادي سبب مرضه
طبعا هوه مريض عنده قولون عصبي لازم كل شهر يمر يومين وهوه با الفراش

رحنا السوق وجاب لي طلبي الغالي الي تمنيته وفرحت وشكرته ومبسوطين-- ------- بعدين رحنا الالعاب عشان الاولاد وفي الالعاب قالت لي بنتي عمرها4 سنين أمي ابشيل العبايه والعب قلت خلاص طيب .....

بس شاف البنت تلعب وما عليها العبايه تنكد وجاء عندي وقال انت شلتي العبايه طيب أتفاهم معاك بعدين (قلت وش فيها ياأبو المشاكل)
ومنها أنا تنكدت ليه أنا مبسوطه با لهديه والحين نكد علي وسويت بعدين ان الهديه غصب عليك جبتها لي

++++
بصراحه انا تعبت وأنا اداري لا يزعل واذا حصل الغلط سوا بقصد او دون قصد لايمكن يتراجع حتى لو في نفس اللحظه واذا عصب دأء يتكلم علي اني ما احسن التصرف ولاغيره

وللمعلوميه هذا الزعل او غلط او الزله المهم قيسوه على كل الامور في الحياه الزوجيه

حتى النوم وانتو عارفين

وانا احبه وهو تقريبا من معاملته معاي يشككني في هذا

عفواااا ابغى حل وكيف التصرف معاه واحل اموري من غير مشاكل

[الفارس 11]

هلا فيك اختي الغــــــــاليه

زوجك انســـــــان متعلم ولازم يعرف ان سبب سعادته هو وجود زوجته واطفاله حوله ..

اختي الغاليه اولا زوجك تعود منك انك تتحملين كل الاخطاء وانك ترضينه كل وقت وهذا خطاء كبير

الزوج هو رب الاسره مفروض يتحمل كل شي ويكون هو الصدر الحنون للزوجه والاولاد

............................................. .............................

انا اشوف انك تصارحين زوجك انك انسانه وشريكة حياته لك حقوق وانه يجب ان يحترمك ولايقلي عليك

كل المشاكل وانه يكون صبور .

اذا زعل ياليت ماتروحين له علي طول خليه يراجع نفسه

.....اذا طلب منك الذهاب للسوق او اى مكان اشترطي بطريقة المزح انه مايصلح لك مشكله

علشان يحس شوى ..


ارجو النقاش يكون في جو هادى جداااا

الدعــــــــــــــاء ثم الدعــــــــــــــــــــــاء

الصبر ثم الصبر


ربنـــــــا يصخر لك زوجك يارب العالمين

[لمسة حرير]

ياحبيتي .. لاتضيقين صدرك .. صحيح ليس كل الرجال يزعلون من اتفه الاسباب ..


لكن اغلب الرجال مو كلهم خاصة بعد وجود الاطفال


ما يراضون ولا يتحملون صياح او عناد الصغار ..


بس الغريب 4سنين ليش عباءة حتى لو مطوع مايلبسها ..




وبعدين انتي اذا زعل قولي اللي عندك وبعدين خلاص لاتقعدين تراضينه ولا تزعلين


خليكي طبيعية في المعاملة معه ومع اولادك ..وحاولي تنشغلين مع عيالك لاتحاولين تسولفين معه بطريقة


كانها مراضاة لان الانسان بطبيعته يحب الدلع ويستمر يزعل


خلاص هو شي في نفسه حتى لو رضى يبقى اثره هذا طبعه ..




واذا طاح اللي بنفسه لحاله يبي يرجع يسولف ..


دائما المرأة تضحي وتتنازل عشان بيتها ..لذلك لك الاجر العظيم والصبر واهم شي الدعاء اخر الليل ..



وصدقيني هوني على نفسك الحمدلله طيب ويصلي ولاهو يشرب ولا لعاب ..


وهذه الدنيا ..



وكل بيت فيه مشكلة محد مرتاح .. بس البيوت اسرار



وشي اهون من شي ..الحين الاطفال عصبيين صارو!!



الله يهديه ويغير طبعه ويسخره لك ويجعلك قرة عينيه ..

[حكمتي بسكاتــي]

الله يصلح ما بينكم ويهدي زوجك لك
اخووي الفارس كفى وفى

[بسبوسهـ]

وعليكم السلام ورحمة الله وبركاته ،،

بارك الله فيك اخوى / الفارس ،،،

كفيت ووفيت بالموضوع ،، ولعل ماذكرت يكون سببا فى هداية الطرفين ،،


الله يوفقك حبيبتى ،، ويسعد ايامك ،،



شكرا حبيبتى لموسه عالمداخله الرااااااااائعه ،،






ينقل الموضوع لقسم " مشكلتى الزوجيه "

كل التوفيق ، شكرا لتواجدك العطر بالمنتدى ،،