حد يلقى لي حل الله يخليكم

[موراضي يسجلني]

ارجوكم حد يساعدني.......تعبت وربي من هذا الموضوع لدرجة انه صار يجيني حتى في الاحلام......
انا بيني وبين حماتي مشكلة تعاتبنا وكل وحدة وصلت للثانية اللي عندها ...هي اللي غلطت عليه وربي... وانا عاتبتها وهي زعلت مني وكابرت وقالت انها ماغلطت وقومت الدنيا وكبرت الموضوع وصلته حتى لامها......وقالت من اليوم ورايح كل اللي بيني وبينك سلام وبس......
الحين انا حامل وهذا التاسع لي....وما اتمنى اولد وبيني وبين احد اي زعل محد يضمن عمره...ابغى ارسل لها رسالة اوصل لها انه ما في قلبي شي عليها واكون البادية بالسلام.....مو اعتذار لاني ما غلطت عليها...لكن دعوة للتصالح والتسامح ..فيها تذكير بالاخرة وان الدنيا فانية ....بس احس مخي مقفل ماني قادرة اجمع كلام.....






حد ممكن يساعدني؟؟؟؟؟
والله يجزاه عني خير الجزاء

[أم تيمو]

يا حلوة لما ترسلين الرسالة لا ترسلين لها شئ عن المشكلة بتاتا ولا أنا غلطت ولا انتي غلطتي
قوليلها اني ما أبغى يكون بيننا زعل واللي بيننا مايستاهل القطيعة ما فيه شئ يستاهل اننا ندخل النار عشانه وانه المتخاصمين والمتقاطعين لا ترفع أعمالهم الى الله.. وما راح نستفيد كلنا..
وحطي كلام من عندك ولا تتطرقين للمشكلة.. وان قالت لك انتي الغلطانة قوليلها ان كنت غلطانة سامحيني وان كنتي انت الغلطانة بسامحك .. وحتى لما تتصالحوا لاتحتكي كثير فيها فكثرة الاحتكاك تولد المشاكل..
الله يوفقك ويصلح مابينكم

[ديما13]

يارب تقومي بسلامه انتي وطفلك

التمسي لها عذر يمكن هي مو تكابر لا

يمكن تحس انها صح وانها ماغلطت بشيء

كل انسان له طرقه تفكير مختلفه

في رئيي انك ماترسلي لها يكفي انك جوات قلبك مو زعلانه منها

[موراضي يسجلني]

الاخت ام تيمو
الله يجزاك الجنة على كل حرف كتبتيه ويحفظ لك من تحبين.....


الاخت ديما13
الله يسعدك دنيا وآخره على دعاءك لي وعلى ردك.........بس انا ابغى اوصل لها اني مسامحتها ومو زعلانة منها.....يعني لازم مسج....

[♡ sαяσиα]

هلابك اختي..
ونورتي المنتدى ويااااااااااارب
يقومك بالسلامه...
ويقر عينك بطفلك..وانت بعيده عن كل المشاكل..

قلبو..

اي اثنين بالعالم يتخاصمون,,
لكن المشكله بالمشاعر الداخليه..
دامك راااضيه بنفسك عنهاا ومسامحتها..
ارسلي لها رسالة شوق..
وشوفي بترد عليك او لا..

واخر الرساله قولي لها الدنيا مااا تسوى..

وانتي ماشاء الله عليك..
يكفي قلبك ابيض وبتبدين بالطيب..
عاد اذا هي عندت انتي سويتي اللي عليك..
اذا تبي القطيعه جات منها مو منك..
انتي لا تقطعينها ارسلي لها رسايل..

وان شاء الله يحن قلبهاا
وانا مع كلام ديمااا
فيه ناااس تقتنع انهاا صح..ومهما شرحتي الوضع مستحيل يقتنعون انهم اخطئوا بحق احد
يعيشون نفسهم وكأنهم انظلموا..
فهذا شي ما تقدرين تغيرينه فيهاا..
لكن تقدرين تتغاضين عنه...


انسي السالفه وابدي صفحه جديده..
وتشجعي ..مافي شي يمنع انك تسوي الخير..


الله ييسرلك يااارب