بسم الله الرحمن الرحيم
هذه قصيده اخرى عاشت في داخلي وتعايشت معي رغم الهول والمعاناة التي كنت فيها من حر وجمر الفراق ابعد الله عنكم لحظة الفراق وحرقته وابعدكم عن كل سوء اميييين
قصيدة غناها الفنان خالد عبد الرحمن بعنوان آهات :
آهات من طول العنا طاولتني .. ونفسي من الفرقا وحالي سخيفه
جارت علي من الفراق وقصتني .. غزت ولكن مانوت بالنكيفه
همومها اللي شفت منها كوتني .. هذا الذي خلا حياتي مخيفه
باكر يروعني وانا فيه فتني .. واقول ليت الغيب يبخل بحيفه
خير السعادة بالهوا خالفتني .. خالفت معها عيد قلبي وريفه
هبت هبوبن بالنيا عطشتني .. وكم غالي قبلي ظما من وليفه
ليت الليالي عن غرامي نهتني .. ولا بدا زرع الأمل منك هيفه
ولا انها في غايتي خيرتني .. واختار انا مرباع قلبي وصيفه
خلن جيوشه بالمحبه غزتني .. وانا اسير من العيون العفيفه
اغلاه جوس طول الأيام جتني .. ماكله جوس اللي تجيني بطيفه
الماضيات بغيبها منصفتني .. والمقبلات ارجي عدلها خريفه
اتبع ظنون بالهوا ماشفتني .. واحسب حمولي بالمحبه خفيفه
واليوم ظالم في المحبه طوتني .. طي الورق يوم انطوى به خريفه
واشباح ياسي بالهموم اعترتني .. وانا علي اسباب صدك كليفه
أشيل حتفي راضي فوق متني.. واروح نفسي من حياتي معيفه
واقول للي بالجفا عذبتني .. عسا الشقا من بيننا بالنصيفه
وأقول للي بالجفا عذبتني .. عسا الشقا من بيننا بالنصيفه
شربت من فيض الشقا واشبعتني .. دنيا مع الأحزان ضدي حليفه
وسلامتكم ..
العرض العادي
