ضمني ... إكسر ظلوعي

[همسة حب]

ضمني ... إكسر ظلوعي
ظلع ... ظلع ...!!
ياحلو كسر الظلوع ... وضمها ...!!
طاح منديلك ...
وباقي بك دموع ... ياحلو دموع البنات ... ودمها...!!

لا تسافر بي ...
انا دروبي طوال ...
والهوى أعرف دروبة ...
والجفى ... غير الوفاء ...
والشتاء برده غرام ...
والجفى دربه حرام ...!!
والبنية لو تموووووت من الهيام ما تقول إني " أحب ...!!

سالفتها بصدرها تنبت ورود ...
بس مايقوى يجاوب فمها ...!!
ياعذاب اهل الهوى ...
ضمني موووت ... وحياة ...!!
عطني انفاسك عطر ...
وتمتم بحرفين شوق ...
وأنت ذوقك بالهوى من جد ذوق ...

ودي أشرب ... الظمأ يجرح لهاتي ...
وسال دمي من شفاتي ...!!
يا غناتي ... مابقى بالكاس صبر
ولا بقى بالقلب ما يقوى عليه
لمني ...
شمني ...
إنتفض مثلي وله ...
خل احس إن الهوى يحفر عروقك
خل اذوق الموت في لحظة اذوقك ...!!
حرك شفاهك شوي ... خلني اكتب قصيدة ...

قل كلامك ...
وإن قضى حكيك أبي تكفى تعيده ...!!
" ما املك "
خلني اضحك على همومي دقيقة ...
للهوى لذة ... ما عرفها غير من ذاق الجفى ...
والهوى كنت احسبه كذبة ...
لعن ابوه اثره حقيقة...؟!!
يابعد كل الوصل
ودي لعيوني تصيح ... ودمعة عيونك تطيح
صح فديتك ...!!
خلها تمشي على خدك لين تنبت فيه وردة ...!!

ودي افرح في دموعك ...
ودي تتنهت وتتحرك ظلوعك ...!!
انا ماصدقت اشوفك ...!!
ياحلو ساعة رجوعك
ودي امسح دمعتك لحظة تطيح ...
ياحلو دموع البنات ... طاهرة مثل المطر ...!!

مابقى فيني دموع
ومابقى فيني صبر
والسهر مل ... وتأفف ... وانكسر
والغلا وربي جمر
وانت لو تدري بغلاك ... وربي ما ترقد شهر ...!!
وخلني اقول لك شيء...!!
يمكن إنه عند غيري شي عادي ... بس في قلبي كبير ...!!
ويمكن إنه عند غيري بس كذبة ... بس انا عندي حقيقة
تدري وشهو ...؟!

وربي اللي كون الكون الكبير إن غلاك اكبر شوي ...
وإنك بـ قلبي شمال ...
وانك بــ عقلي خيال...
وإنك بـ دمي دلال ...

وإنك بـ نبضة وريدي كل شي ...!!
وإنك حروفي بـ قصيدي ...
وإنك الضحكة بـ عيدي ...!!
وإنك أغلى من الهواء اللي وسط صدري
وإنك أحلى من سنيني ...
وإنك أقرب من شراييني لقلبي
وإنك إحساسي وشعوري ...
وإنك الناس بـ عيوني ...
وإن سواليفك مطر ...
وإن عرق كفك عطر ...
وإني اقهر فيك شمس الصبح ...
واغيض القمر ...!!
وإني أغليك أكثر من غلا أُمك وأبوك
وإني أطرب يوم اشوفك ... وأنتشي لعينك
وإني أشهق مادريت يوم اشوفك يابعد قلبي تمر...!!

هذا عشقي لك فديتك ...
هذا موتي ...
هذي حكاياتي قبل نومي ...
والهوى وربي جمر ...!!
ربي يرضى لي عليك ...!!
وربي تهبل بلد ...!!

يااااااااااااه... على ملحك ... وضحكاتك ...
وإذا تزعل والله ما مثلك احد ...
بسم الله عليك ...!!



همسة حب ...

[حكمتي بسكاتــي]

ابيــــــــــــــات قــمه الرووووووووعه

يسلمووووووو الايادي ع الطرح الرائــع

[طيب الفال]

قصيدة جميلة وطرح مميز
اشكرك همسة حب على طرحكـ
ننتظر جديدك ولك تقديري واحترامي

[اتعبني الجرح]

لبى قلبك يالغلا على هالطرح الراقي والمميز
تقبلي مروري المتواضع

[الهاوِي]

لاجديد فالإبداع من طبعك وهو ديدنك وكم أتحفتينا بجميل كلامك وثمارك الحلوة المذاق ،شكرا لك ياهمسة .