رجل مع العالم رجل .. لكن مسيرته مره !!)

[@لين@]

السلام عليكم ورحمة الله وبركاته




قالوا الشقاء وشهو الشقاء قلت الشقاء ظلم السنيين

( أحدن يمر ويتعبه ) .. ( وأحدن يمر ويقهره )

قالوا الحزن وشهو الحزن قلت الحزن .. دمعه وعين

أحدن قوي .. ويصطبر.. وأحدن تبلل محجره !!

قالوا الوفاء .. وشهو الوفاء قلت الوفاء .. مسالم يدين

واللي يغدر في صاحبه .. عاد الليال بتغدره !!

قالوا الجفاء .. وشهو الجفاء قلت الجفاء .. قسوه ولين

يما تغلى صاحبك .. و يما ملقيك أظهره !!

قالوا الوصل .. وشهو الوصل قلت الوصل.. ماله وزين

يبري جروح ما برت .. والعفو عند المقدره !!

قالوا الأمل.. وشهو الأمل قلت الأمل .. في نظرتين

أحدن يحاول يكسبه .. وأحدن يخاف أن يخسره !!

قالوا الرجاء .. وشهو الرجاء قلت الرجاء .. قلب حزين

يمشي على تراب الأمل ’’ ويخاف لا يسفى ثره

قالوا الوجيه .. اشهي الوجيه قلت .. هي من جانبين

( وجه يزينه العفاف ) .. ( ووجه زين بمظهره )

قالوا الحكي .. وشهو الحكي قلت الحكي .. ما بين بين

خير الحكي ما قل دل .. وزبدة القول ( أثمره )

قالوا الخجل .. وشهو الخجل قلت الخجل .. بالعام زين

( بس الخجل لا سار دون الحق .. خزي ومحقره )

قالوا الزمن .. وشهو الزمن قلت الزمن .. في ساعتين

ساعة طرب نفس وهوى .. وساعة خشوع وتذكره

قالوا الغلا .. وشهو الغلا قلت الغلا .. حب دفين

والحب لا قد هو حقيقه ودك أنك تستره !!

قالوا الخطاء .. وشهو الخطاء قلت الخطاء .. الله يعين

أحدن ما لا خطاءه عذر .. وأحدن اليا أخطاء تعذره

قالوا المره .. وشهي المره قلت المره .. ضلع لدين

يبقى على طول أعوج .. ومن جاء يعدله كسره !!

قالوا الرجل.. وشهو الرجل قلت الرجل .. في حالتين

أبختصرها والذكي لا جاه حكيي فسره

( رجل سليط وكلمته ماهي تغدي لك كلمتين

ورجل مع العالم رجل .. لكن مسيرته مره !!)

مما راق لي

[الزوجة الناجحة]

سلمت يداااااااااااااااااااك
وبانتظار جديدك

[الهاوِي]

قطوف دانية أجدت يالين تقديمها لنا على طاولة الكلمات العذبة وكعادتك مبدعة رائعة أحسنت الاختيار،وبستانك دائما جميل.

[طيب الفال]

قصيدة جميلة راقت لي
اشكرك لين على طرحك المميز
ننتظر جديدك ولك تقديري واحترامي

[همسات غريبة]

اشكرك لين على الطرح الرااائع والمميز